فاض الشعور

وضاق صدر التعابير
ونبع القصيد اليوم زاد انهماره
يجري ويسقي روض حلو المعاذير
من بعد ما طالت سنين انتظاره
ويقطف من ازهور الغلا والنواوير
هديةٍ تحمل حنين واثاره
للغالي اللّي هزْ عرش التفاكير
وسيطر على جيش الشعور بجداره
يحمل معه صدق الاحاسيس ويغير
وياقف على وضح النقاء بالصداره
ويخايل اهل الصيد واهل الصقاقير
كلٍ يحاول بس يخطي مساره
حبّه سكن هالقلب من دون تبرير
كذا من الله هزْ قلبي وقاره
غلا شربته عذب له نكهةٍ غير
اسقي مجاديب العروق بغزاره
ملا حياتي بالفرح والتباشير
وجبر خفوقي عقب طال انكساره
- الشاعرة/ بارعه