مشاعري مرهفة

صباحك..الورد..والخير..وتباشيره
يا معلم الود في كل اتجاهاتي
يا هاجسٍ ما شغلني هاجسٍ غيره
في كل الأوقات وأوقاتك هي أوقاتي
وشعرٍ شواهد وفاه أحساس تصويره
ابحر معه بالغلا لابعد محيطاتي
روض الغلا فيك حافلةٍ نواويره
روائع ازهار شوقه دافع ابياتي
وشوقي لك اكبر من الشوق وتعابيره
وأجمل من أجمل ما قلته في عباراتي
اجتزت صعب المعابر في معابيره
واخذت واعطيت بالشوق انطباعاتي
وفي كل الأحوال ما ادخل عالم الحيره
قدام عينك وضوحي..شاهده ذاتي
مشاعري مرهفة والود تأثيره
على الاحاسيس باب جروح واهاتي
وغلاك للروح روح..وجاك تقريره
شواهده سامية في كل حالاتي
اعتز في هيبته..واقبل معاذيره
وكان الوفا عادتك..فالصدق عاداتي