بوهة سماري

كم لك تعشمني.. زهقت أنتظاري..
مل..الظما من قسوة الدلو والبير
وجفت لهاتي.. من سموم الذواري..
لا عافر النسيان هجس التفاكير
رحت.. أتوخا.. لا تجيبك طواري..
وشلون أقايض ضيقتي بالتباشير؟
ألا.. اني أخضع عزتي لأنكساري..
وجه الخطا.. لو شفت فيه المعاذير
قلَت.. مشاريهي.. وزاد أعتباري..
يا شينها.. لاخالفتك المقادير
والياس ياحظي مطوق.. مداري
ويامن سبا.. قلبي وأنا.. داله اصغير
وبذمتي فرقاه فوق اقتداري
امن الوله.. تاهت خطاي بمشاويير
وبسبته ضيعت.. دربي لداري
اتلفتني من زود ما افرطت تقصير
عقبك تساوت.. ضحكتي.. بالعباري
يشوب وجهي بالحزن كل تعبير
ويكسي صفار الهم.. بوهة سماري
قل العزا.. في غيبتك والتدابير
محدن نشد.. عني ياكود أحتضاري..
الشاعر - محمد الغرير