كانت الفرحة

عبدالله بن غازي,, احد الشعراء الشباب الذين سجلوا حضورا مميزا في صحافة الشعر الشعبي يعشق الجزيرة,,ويخصها في كل ما يراه مميزا مما يكتبه,, آخر ما كتبه هذه المقطوعة الجميلة:
والله ان الحب له عين ضريره
لو يشوف الحب ما طحت وشكيت
هيِّه باللي كل جرح تستثيره
خل جرحي لا تكدر له مبيت
كانت الفرحة معك يا هي كبيره
وكل هم زال يوم انك دنيت
والله ان الصبح في نسمة عبيره
كنها ساعة على قلبي لفيت
مير اشوق البين مرسل لي نذيره
وصاحبك لو تطلب عيونه خذيت
والله ان نار وعلى صافي غديره
يوم انا صدرت منك ما ارتويت
قد شكينا من الفراق ومن هجيره
وجمره اللي قد وطيته قد وطيت
لا تلوم العين لاظلت سهيره
ولا تحط الذنب ذنبي وش جنيت
ياحبيبي والحشا صار لك ديره
والله أنك فيه لارحت أو بقيت
ما حدن يأخذ محل إنسان غيره
أشهد أنه بالحشا صار لك بيت