يا سلام الله على القايد الحر الزعيم

يا سلام الله على القايد الحر الزعيم
عطرها الكادي أزفه لبو متعب سلام
وتعوذ من وساويس شيطان رجيم
يوم وسوس لي بعرق النساء حزة ظلام
وادعي الوالي بوقت تنهض فيه غيم
يوم لوح برقها من ورى هاك الركام
يا لله إني أتوسل بوجهك يا كريم
تحفظه بعيونك اللي سهيرة ما تنام
بشرونا يا لخويا عسى عوده سليم
غيبتك يا والدي كنها عشرين عام
روحتك عنّا جروح عثت وسط الصميم
مثلنا في غيبتك يا بومتعب ما نلام
كلنا جنود الوطن من رجال ومن حريم
طاعتك واجب علينا وعصيانك حرام
ما نطمن روسنا للعواذل والسقيم
روسنا تفداك لو هي تساوت بالحطام
ما نجالس من تطفل ولا نسمع غشيم
وما نخونك ونتدارى مثل روس النعام
ابو متعب احتظنا بقلبٍ له سليم
ما نوفي في ثناكم ولو كثر الكلام
البندري عبدالعزيز المقبل