بعض المجالس نفتخر ونحضرها وبعض المجالس تجلب الذل والعار بعض المجالس مدلهم خطرها تلقى بها بايع وضايع وخمّار وراع النمايم بالمجالس نشرها شب الفتايل شبها واضرم النار كنه وكيل ادم حياته نذرها بوسط المجالس رافع الصوت ثرثار مدري ورى ناس تواصل سهرها؟ ما نقتنع لو رددوا بعض الأعذار سمعتك يا رجال غالي مهرها روم المعالي رومها ليه تحتار فوق الثريا فوقها مع قمرها اسمع كلامي زين يا نسل الأحرار سمعتك ما هي لعبة وتخسرها يفهم معانيها بعيدين الأنظار احدٍ بيوت الله بماله عمرها يصدع بما يؤمر نعم سر وأجهار عن ما يمس الوجه رجله قصرها بين النشاما له معزه ومقدار وبعض البشر بيوت ربه هجرها اعمل وتلقى مسكنك عدة أشبار شوف السنه تركض ويركض شهرها يا ما أكبر الغفلة ويا قصر الأعمار امة محمد دينها هو فخرها وحنا لنا عادات ونقدر الجار المرجله ورده ونقطف زهرها أماشي الطيب ولا أطيق الاشرار والله ما الوم النفس تشكي كدرها من يفعل المعروف يجزى بالانكار الناس مثل الناس كشخة صورها لكن بهم طيب وحاقد وجبّار راحت أمم وأجيال وحنا بأثرها يا بوك ذقنا حلوها ومر الأمرار نفسك عزيزة عزها لا تحقرها اعلم ترى الدنيا متاهات واطوار بنات فكر أبوك يا أحمد صخرها التجربة تفيد لا صار ما صار يا أحمد نصيحة لا تفوتك دررها نصايح الوالد كما فحص الامهار لا تعطي الفرصة لمن ينتظرها إياك ثم إياك من كشف الأسرار احذر من الدنيا لا تأمن خطرها لو الحذر يابوك ما يرد الاقدار قلته وقولي نقطةٍ من بحرها يا لله عساني فايز بزين الأذكار تمت وصلوا عد ماطر مطرها على محمد عد ما طايرٍ طار
