جروحه معه

غيم ومطَر ومهيّله وأخذ الجديد
واحفظ قصيدي يا صديقي وإجمعه
محبّتك في الله تجري في الوريد
ما هي لأجل دنيا ولا هي مطمَعه
يا صاحبي يا اللي تفيد وتستفيد
بآفيدك بشوري وشورك باسمعه
لا ترافق منافق ولا تعاند عنيد
ريّح مزاجك عن زحام المعمعه
واللي يشوف الناس عسوٍ من جريد
قِل له ترى بتشوفك الناس شْمَعَه
فْلا يحسب إنّ العبقري مثل البليد
ولا يحسب المِحْراب مثل الصومعه
والمرجلة ما هيب في نظم القصيد
يحظى بها النشمي ويخطيها خمَعَه
والشِعر لا من صار له معنىً بعيد
يرضي غرور الذوق وآحب أسمعه
والرزق عند الله وحنّا له عبيد
يخضع له المؤمن ويرخِص مدمعه
يقولها اللي لا يزيد ولا يعيد
رجلٍ طليق حجاج وجروحه مَعَه