يوم العز

اليوم يوم العز والفعل والحزم
أبشر بعزك في اللقا ياوطنا
حنا لها حنا هل الباس والعزم
اليا انتخينا مالها غير حنا
يابوفهد لبيه في الحرب والسلم
بشاية الله كلماتك ما تثنى
عن اليمن لابد مانرفع الظلم
نامي قريرة عين وأنتي يمنا
اليا تحرك جيشنا يقصر العلم
أبطالنا ما فيهم اللي توّنا
نظراتهم لا خايلت ساعة الحسم
ماكنها إلا حد سيف منّا
للعز ياجنود الوطن ياهل العزم
طير السعد رف بجناحه وغنا
تباشري يادار بالنصر والحزم
الحمد لله جت على ما تمنّى