راجع تدورني

سمح الله خطاويك وكثر خيرك
صعبه انساك بس الله يقدرني
وأرجع أجمل مثل ماكنت من غيرك
رح وطاوع جفاك ولاتعبرني
أنا مليت منك ، ومن معاذيرك
لا متى وأنت تنساني وتذكرني
ولا متى بحتمل ظلمك وتقصيرك
معك الأيام عجزت لاتغيرني
كنت حتى أنت اشوفه صعب تغييرك
وعقبك اللي أعرفه صار ينكرني
حتى صوتي جحدني .. الله يجيرك
لو قبل ما أعشقك وقتي مخيرني
مارمتني ظروفي في مقاديرك
ولو عرفت الثمن ماكان تخسرني
مهما يبلغ حجم عذرك وتبريرك
جف غصن الرضا ياللي تعذرني
وضاق عش الأمل فيك ورحل طيرك
ولا بقى شئ أشوف انه يصبرني
بعد ضاعت بخطواتي مشاويرك
بعد ضيعتني .. راجع تدورني
كثر الله خير أيامي.. وخيرك
تدري بعدك متى قلبي يعورني
لا بكيتك على صدر ادمي غيرك