العتاب

جف العتاب.. الممتلي صمت عاري
والدرب.. ضايع ما تدله خطاويك
ياخي كفايه.. وانت بالوضع داري
وشلون تحلم.. وانت ما توصل يديك
لاوردة حمراء.. ولا.. ليل ساري
تضحك على نفسك وربي معنيك
هذا الفضا ساحب وكله ذواري
دامك بحر.. وشلون جفت موانيك
هو باختيارك انت.. والا اختياري
تسألني اش فيني.. وانا اسألك وش فيك؟
مليت اسولف لك.. حديث اضطراري
الى متى.. هذي.. وعيني على ذيك
هدؤك التائر.. بثورة قراري
كان انتصار.. بلحظة ما تهديك
غابت عن عيون الزمان المواري
لين استعد للريح.. صوت الشبابيك
وجف العتاب.. وجيت بالصمت عاري
والدرب.. هذا ابعدك عن عين مغليك
فراج بن سحمان المطيري