نخلة عذابي

زفّيتها دجلة... وزفّتني الشام
وحنيت صنعا من بقايا خضابي
لبّستها ثوب الفضيلة والأوهام
ونامت على جفن الرياض الروابي
للقاهرة فيني تراتيل مهتام
وللنيل سر لو كشفته غدى بي
والغلطة اللي كدّرت صفو الأيام
هالت على قبري بقايا ترابي
زفّيتها حلم وتراتيل وأقلام
وكان القصيد/الليل يغري لعابي
قربتها خطوة على درب الآثام
وزيّن لي الشيطان قصة سرابي
ويا أنتي دخيلك ل.. ارتفع صوت الأقزام
قولي لهم: قرآن ربي كتابي
قولي لهم: حكي الشجر هز الأصنام
عن طهر مريم تحت نخلة عذابي
لا يا بعد من عذبك عدة أعوام
تكفين لا تبكين شقي ثيابي
أبي العذاب يطهّر النفس ما دام
أن الغلط كبّر عليه مصابي
أنا غلطت... وغلطة العمر قدام
وشلون أكفّر ذنب دمّر شبابي
تكفين لا تبكين قولي للأحلام
هذا (.............) سبة مصابي
أنا اعترفت بغلطتي... والغلط نام
تكفين صحي بالضمير احتسابي
ابحتسب عمري ملاذ للأيتام
يمكن إله العرش يقبل حسابي