مليت

مليت عطر ثيابي
لنّه يشابه عطرك
قارورته تزهابي
وأنا زهيت بغدرك
كنت انتثر واتعابي
كان الفضاء بصدرك
وأرمي عليك عتابي
تهمس بإذني صبرك
أشرعت لك أبوابي
سكرّتهم.. وش عذرك؟
كنت أرسمك بكتابي
شعر وأماني.. وأثرك
تكتب قصيد غيابي
ليتي كشفته أمرك
ياليت صحب بمابي
يوم إن وميت بسحرك
مير البلا بأصحابي
طفلة وأنا ما أدرك
إن الهوى أودى بي
حتى وقعت بأسرك
تبغى تشوف ألعابي
جرح ودموع وهجرك
إرجوحتي أولى بي
من لعبتك.. من قهرك