الهيئة السعودية للمواصفات والمقاييس : لا علاقة للون زيت المحرك بفترة الصلاحية و بإمكان المركبة قطع 15ألف كم دون ضرر

حذرت الهيئة العربية السعودية للمواصفات والمقاييس و شركات زيوت كبرى ومهندسون مختصون في مجال ميكانيكا السيارات من الانجراف الخاطئ للكثير من سائقي المركبات وراء المعلومات المغلوطة التي تروج لها الشركات المنتجة لزيوت السيارات بضرورة سرعة تغيير زيت محركات سياراتهم بعد انقضاء مدة تتراوح في الغالب بين 2000إلى 3000كلم، منوهين إلى أن حرارة مناخ المملكة وتغير لون الزيت إلى اللون الداكن ليس له علاقة البتةبالمسافة التي تقطعها المركبة والتي يستوجب خلالها تغيير زيت محركها.
فيما أكدوا بالأدلة القاطعة والتي يجهلها الكثير من قائدي المركبات بأن المركبات على اختلاف أنواعها يمكنها قطع مسافة تتجاوز الخمسة عشر ألف كلم دون حدوث أي أضرار يذكر.
ويدعم صحة هذه الوقائع انتشار مصانع عدة لاستخدام واستغلال الزيوت الرجيعة والتي يعتبرها المستهلك تالفة وهو ما يؤكد نظرية صلاحيتها للعمل، يدعم صحتها حدوث نقلة كبيرة عبر منافسة شديدة لمصانع عدة في شراء هذه الزيوت لتصفيتها وإعادة تعبئتها، حيث شهدت الأعوام القليلة الماضية افتتاح أكثر من ست مصانع لمعالجة هذه الزيوت، فيما اشتدت حدة المنافسة بين هذه المصانع للتعاقد مع مراكز التشحيم العاملة لشراء هذه الزيوت (الرجيعة) من محركات السيارات، حتى قفزت بسعر الطن منها ليبلغ سعره 120ريالاً للطن.
لو كان الموضوع يهم التجار ...لكن اعلن من زمان
ولان الموضوع خاص بالمستهلك اعلن عن ذلك بعد ان تداول في اكثر من وسيلة اعلام ، واصبح الموضوع معروف للعامة ،لذلك تم الاعلان من باب استح ياوجه .
السلام عليكم ورحمة الله
اما بعد نسأل عن الفرق بين الزيت المكرر والزيت الصافي لمحرك السيارات وما العلامه الفارقه بينهما
حتى نحذر من الغش التجاري للزيت المكرر نطلب الافادة وشكراً
أنا سيارتي كامري تنقص زيت ودايم علبة الزيت الجديدة موجودة
ماأفك الصرة إلا مع السيفون كل 4 أشهر مرة
-
يعني أعلنتوا ياهيئة المقاييس وألا ماأعلنتوا ماهمنا وفكة منكم
الحين توكم تصرحون يالهيئه
اتوقع امرين
الاول/ اعتراف من الهيئه لاستغلال المواطنين في الاعوام السابقه والا وين هذا الخبر ما سمعناه من اول
الثاني/ بعد تكدس السيارات وبعد حملة خلوها تصدي اتوقع انهم يريدون تدمير جميع مركباتنا وبالتالي اضطرار المستهلك في شراء سيارة اخرى وبالتالي تنتعش اسعار السيارات من جديد
حسبنا الله ونعم الوكيل في كلا الحالتين
الاخ المحرر سلطان المحيطب .. السلام عليكم ورحمة الله وبركاته..
شكرا على الخبر الخاص بالهيئة وأود إحاطتك وجميع القراء بإنه قد تم تغيير مسى الهيئة منذ أكثر من شهر إلى :
( الهيئة السعودية للمواصفات والمقاييس والجودة )
بدررررررررري عسى ماتكلفتوو على هالإعلان ياهيئه المواصفات اصلا مع غلا الزيت من يبي يغير لسيارته لامشت عشر الاف ولاخمس عشر العلبه بأربع طعش ولابلاث طعش وحنا الي نصدر البترول مادري على اي اساس هالغلا ذا
يقال انه يوجد ادارة لحماية المستهلك ...............................
والظاهر انها ادارة لحمايةالمستورد ...................................
انا من عرفت هيئة المواصفات والمقاييس وماعندها الا الدجه من اكبر رئيس الى اصغر
موظف فيها
والادهي والامر ان مدري وش علاقتها بالمواطن الا بس اذا دفعت الفلوس
في كتيب ضمان السيارة ينصح بالتغيير عند 10000 كم
علينا هي
بدري
وينكم من أول ، أقول كبروا المخدة
الأسواق ممتلئة بأنواع البضائع المغشوشة والخطيرة وأنتم نايمين
بعدين وش دخلكم أنتم هالتصريح المفروض يكون صادر من الغش التجاري.
وإلى الأمام يا وطن
صدقت ياأخ فيصل الكامري 2004تنقص زيت
أقول سلم لي على هيئة المقاييس
انا نسيت أغير زيت السيارة ومشت 11 ألف كيلو
وقامت تطشر مويه من كل جهة ، يعني بغت تخبط....بالعربي
سيارتي كابرس 2007
والله على ما اقول شهيد
هههههههههه
ياللة وش هالمعلومة الجديدة انا من اللة خلقني وانا معي ددسن 85 ما قد غيرت زيتها
وابشركم الصرة قامت تهرب وقمت عليها ولحمتها ولا عادني فاكها كل بعد شهر ازيدها علبة طبعا من الزيت المستعما من زيوت الناس المغفلة الللي كل بعد شهر وهو مغير لي الزيت
بس اللي ما لقيت لة حل البنزين يوميا بعشرة
بدرررررررررررررررري وتو الناس
المهم الشرهه علينا الي نطنش كتلوج السيارة ونسمع كلام ابو يمن في البنشر
بالنسبه لي والله ما اغير الزيت الى على فضاوتي ((يعني اذا سار ما عندي شغل)) واغيره بعد عشرة الاف كيلو قد تزيد اوتنقص شويه
السلام عليكم ورحمة الله وبركاته :-
انا خريج هندسه ميكانيكيا . وبحكم تخصص في المركبات فأني اتحد اى شركه
تستطيع انتاج زيت لديه القدر على المحافظه على درجه لزوجه عاليه وغير مضره
بمحرك العربه بعد 15 الف كيلو 000 يا نااااس حرام عليكم وكفاء استهتار بعقول
البشر 0 اتمن توضيح من هئيه حمايه المستهلك ليش هذا الاعلان الان 000بعدين احب
اوضح شي مهم للمواطن ترا حتي بعض الشركات الى زيتهااا يتم تغير بعد 5 الاف
كلاهااا كلام فاضي اذا تبغه تحافط على سيارتك( المحرك ) غير زيت المحرك بعد
2000 كيلو 0
وبحد اقصاء 2500 كيلو و فلتر الزيت يتم تغير مره ومره يعني مره زيت فقط ومره
زيت وفلتر ...
الفورد لها سنة ماذاقت الزيت الجديد
كنت منتظر انكم تصرحون واخيرا صرحتووووووو
ولاكنت ابي اغير الزيت اما الان ابي اجيب علبة وزيدها
بعد التصريح
ياعاجل انا سيارتي جيب جي اكس ار 2008 وراح اسمع كلامكم وبخلي زيت السياره يمشي 10000 كيلو لكن ان خبطت سيارتي بحاكمكم
شاهدين يالربع
أنا صاحبي مشت سيارته 4000وخبطت لا أحد يصدق كلامهم.............
المهندس الظاهر انك تابع لشركات الزيت او راسب في الهندسه
وياصاحب الجيب 2008 استمر ولا تغير الا بعد العشة الاف كيلو انا معي جيب ماغير الا بعد 10 الاف كيلوا والحمد لله
وهيئة الموصفات صباح الخير خليك نايمه مثل اول
وحنا من شرينا سياراتنا وحنا مجتهدين نغير الزيوت كل 1500كم أو 2000كم وأثرنا ضعووووف وحنا ما ندري.
ياااااااااااا ناس
اسمعوووووووووووا ........
السيارات ترى تختلف عن بعض ..........
كيف
مثلاً .........
سيارات المرسيدس ما تغير زيته إلا بعد 45 الف كيلو ......... و الوكاله عندكم في طريق خريص الرياض .........
انتبهووووووووووو ........
و الشكر الاخ و الله حزين من وقتها على كلامه و هو ......... الصح
الهيئة السعودية للمواصفات والمقاييس والجودة
علوم الهيئة وسط ولاعندها اي معلومة تفيد وعلى اي معلومة بنوا معلوماتهم
او ما لقو شغلة قالوا نكتب شي تقراءه الناس
الكلام المظبوط كلام ان لايتجاوز 3000 الاف كيلو وقت الصيف 4000 الاف قي البرودة
وغير كذاء خرط هيئة فقط لاغير0000
تبون نصيحتي ....
خلوكم من كل هل الكلام
وغير زيت السيارة كل 3000كلم في فصل الصيف
وكل 5000كم في فصل الشتاء
وريحوا بالكم
قال 15000الف كيلو قال
ههههههه
عجبي
اولا بخصوص مدة تغيير الزيت هذا كلام صحيح مدة تغيير الزيت من 10.000 الى 15.000
اما بخصوص تجميع الزيوت واعادة تعبئته هذا لكلا غير صحيح حيث تتم معلاجة الزيوت بعد تجميعها واستخراج مادة البيس اويل وهي المادة الاساسيه لتصنيع الزيوت ويتم اسعماله كمادة اساسيه لصناعه مرة اخرى بعد عملية تكرير معقده
هذا توضيح حتى مايجي شخص ويغير زيت سيارة بزيت مسترج
انا اول كنت اغير الزيت كل 2000 كيلو لان من كم سنة صرت ما اغير الا كل 6000 او 7000 كيلو ومرة تأخرت وما غيرت الا بعد 8000 كيلو وما فيها الا العافية
ان شاء الله ناوي اوصلها الى 15000 كيلو لكل طبعا مع وجود علبة زيت حتى ازيد الزيت لان معروف الزيت ينقص مع المشي وهذا شي طبيعي
وبالنسبة للناس اللي خربت سيارتهم يا اما السيارة تهرب زيت او الزيت اللي حطوه مكرر ومستهلك
الهيئة السعودية للمواصفات والمقاييس والجودة وش هال فزعة لكن ابافضحcom
هذي والله الي تبي المستهلك ماهو بس يصدي (؟)
لا يصدي ويشتري من المصدي بعد, ياعيني
انا ما اغير الا بعد عشرة الاف ...واللي يغير قبل 10000 في احد لاعب عليه ومقنعه ان جونا حر !
كل سياراتي من سنين طويله اغير زيتها بعد عشر الاف وقعدن معي عشرات السنين وبعتهن ما جاهن الا العافيه
انت ياملك يامهندس ميكانيكا مع احترامي لشهادتك الا ان كلامك فيه نوع من المبالغة0
انا وكثير من ربعي مانغير الزيت الا بعد ستة الاف واكثر ولنا سنين كثيرة والامور ماشية تمام0 وشف اكثر الردود بعد نفس الكلام 0لكن اهم شي لاينقص الزيت عن المعقول0
الاختلاف لايفسد في الود قضية0
السلام عليكم ورحمة الله
انا معي سيارة نوع كيا \"صغيرة \" موديل 2005
ومن يوم اشتريتها وكالة والا الان اغير الزيت كل 13 الف كلم
ولاتنقص ولا بطيخ
علما اني اتردد عليها اسبوعيا من الرياض للقصيم بسرعات 140 و 160 كلم بالساعة
طبعا انا مسترخص السيارة مو عشان اني فاهم
بس امانة ونصيحة انا ما شفت اي تأثر بالمكينة
نسيت اقول كل 15 الف اغير الزيت والسيفون
صراحه اقترح على اصحاب القرار عمل محركات خاصه فقط لفحص الزيوت سواء محرك السياره واختبار زيت المحرك ( من حيث الكيلو مترات وكم يستغرق الزيت حتى انتهاء فتره صلاحيته و تغييره ) وكذلك للجير والبريك و حتى الفريونات والتي نلاحظ الى حد ما انها نفس الجوده الا ان هناك بعض الفروقات التي يصعب ملاحظتها وللأسف نحن لا يمكننا التبؤ بالتفاعلات الكيميائية لتلك الزيوت مع الجو الحار الا اذا اجرينا التجارب على تلك الزيوت و تفاديا للغش التجاري او اللعب بالزيوت يجب على كل التجار عمل دراسات على المنتجات قبل استيرادها لإن بعض الماركات العالميه قد تستفيد من معدل دوران المحرك rpm حتى تستهلك داخلية المحرك لتصريف نوع معين من الزيوت فأنا اقترح عمل دراسه قبل ادخال اي زيوت بالاضافه للفحص والاختبار لتلك الزيوت على محركات خاصه تمكنا من معرفة الوقت ومدى الصلاحية والاستهلاك لتلك الزيوت والكيلو مترات المطلوبه للتغيير لكل محرك سواء قديم ام جديد ولكل الانواع والاسماء ومن الافضل تصنيع زيوت محليه واهمية استخدام عناصر الترويج التسويقي بتلك المنتجات ان وجدت وذلك يدعم المنتجات المحلية و يجعل الاستثمار والاقتصاد الداخلي لدينا هو الافضل وقد نصل للتصدير للخارج ، وكل ذلك اذا جعلنا تقوى الله امامنا حتى في ادق الاشياء لأنه هو من اوجدها من العدم .
ودمتم