جمعية القلب السعودية تطالب المالية برفع أسعار التبغ

كشف رئيس جمعية القلب السعودية الدكتور هاني نجم عن رفع الجمعية تقريرا إحصائيا عن التدخين ومضاره إلى وزارة المالية السعودية لرفع أسعار التبغ والحد من هذه الآفة الضارة التي تهدد أبناء هذا الوطن، مبيناً أن الجمعية تعتبر أكبر منظمة للعناية بأمراض القلب وطرق الوقاية منها في الخليج العربي بشكل خاص والشرق الأوسط بشكل عام.
وأشار الدكتور نجم بحسب صحيفة الوطن إلى أن الجمعية قامت بتنشيط اللجنة الوطنية للإنعاش القلبي في جميع القطاعات الصحية من مختلف أنحاء المملكة بالتعاون مع وزارة الصحة وذلك بهدف تطوير المهارات السريرية والفنية لدى العاملين فيها، لافتاً إلى أن الجمعية دربت ما يقارب 500 ألف ممارس من أطباء وفنيين وممرضين في الإنعاش القلبي. كما تعمل الجمعية على تمثيل 75% من الممارسين الصحيين لطب القلب وعلومه في مختلف مراكز القلب داخل السعودية.
جاء ذلك، خلال كلمة رئيس الجمعية صباح أمس في حفل افتتاح المؤتمر العالمي الثالث لعلوم طب القلب الذي ينظمه مركز الأمير سلطان لمعالجة أمراض وجراحة القلب في الأحساء في قاعة المؤتمرات بفندق الأحساء انتركونتيننتال لمدة 4 أيامٍ بمشاركة 32 عالماً واستشارياً ومتخصصاً من المملكة ومختلف دول العالم، برعاية أمير المنطقة الشرقية الأمير محمد بن فهد بن عبدالعزيز، وبحضور محافظ الأحساء الأمير بدر بن محمد بن جلوي آل سعود.
وأكد رئيس ومؤسس المؤتمر مدير مركز الأمير سلطان لمعالجة أمراض وجراحة القلب في الأحساء الدكتور عبدالله بن عبدالرحمن العبدالقادر، خلال كلمته في الحفل، أن المؤتمر سيلفت نظر المجتمع العالمي إلى الفجوة الكبرى في الممارسة الطبية لعلوم طب القلب التي نتجت عن عدم إعطاء البعد الزمني الأهمية المطلوبة في تشخيص وعلاج أمراض القلب، وبالأخص اضطرابات النبض وارتفاع ضغط الدم الشرياني وذلك من خلال علم طب القلب الزمني، وسيقود محاضرات وورش عمل هذا المحور مؤسس علم أحياء الزمن العالم الأمريكي الدكتور فرانز هالبرج، وكذلك فيما يخص عوامل الخطر لتصلب الشرايين التاجية والموت المفاجئ، وأن هذا المؤتمر سيؤكد للعالم أجمع الخطأ الكبير في الممارسة الطبية إهمال عواقب ارتفاع مادة الهوموسستين من خلال أبحاث أصيلة في المجال، وكذلك استمرار الجدال في شكوك أهمية الكوليسترول في عملية تصلب الشرايين، مما يؤكد أهمية إعادة النظر في هذا الموضوع ذي العواقب الطبية الكبيرة على شعوب العالم والأعباء الاقتصادية الضخمة على برامج تطوير الدول وبالأخص الفقيرة منها.
وأبان الدكتور العبدالقادر أن المؤتمر سيشهد إعلان التقرير النهائي لأكبر مشروع بحثي في تاريخ الطب للكشف عن عوامل الخطر الجينية والبيئية وهو المشروع الوطني السعودي لتشوهات القلب الخلقية وهو مشروع بحثي ضخم أسس له من على أرض المملكة وبدعم من مدينة الملك عبدالعزيز للعلوم والتقنية.
بدل رفع الاسعار نتمنى منعه من الدخول وخاصه انو فيه فتوى تحرمه
ليتهم يرفعونه ويفكونآ منه ..
مآ يشرب الدخآن الا المرآهقين وخصوصآ طلآب المدآرس من هم تحت سن 20 سنة وهذآ بكثرة وبشكل ملحوظ
إضافة إلى ذلك ضعآف النفوس الله لآ يبلآنآ تلقآه يدخن وهو طول وعرض وعقل ..
لكن مآ آقول الا الطول طول نخلة والعقل عقل صخله يالله يآرب لآ تبلآنآ بالسم القآتل
آبك آنشري يآ عآجل يآ بعد تسبدي وبنتسريآسي وتسلآي آنتِ
هذا مو حل لقضية التبغ
اما انك تمنع منع نهائي
والا خلها على حالها
رفع الاسعار راح يزيد من المشاكل اكثر واكثر منها السرقه
ايه تكفون خلوه بعشره ولا اكثر قسم بالله ان يتركونه هالمبزره
ووالله اني كنت مدخن ثمان سنوات وكنت ادخن ملبورو احمر اقوى انواع التبغ
والحمدلله تركته قبل سنه وسبع اشهر واقسسسم لكم اني صرت شخص ثااني
صحيح اول اسبوع انلعن خامسي لكن كانت عزيمي قويه
وقلت ابطله يعني ابطله وش هو الدخان عشان يهزمن
والله العضضضيم ان كل من شافن قال وجهك منور وصاير محبوب يعني بالعربي
انا يوم كنت ادخن كانت نفسيتي دايمن تراب ولا اطيق احد وقافله معي
ووجهي تقل ركبه بقره اسسسود اللهم يااكفاي
والحين قسسم بالله اني بنعيم مايعلم به الاالله
ولا بعد يكفيكم اول كانت امي تشم الريحه بثيابي وتتضايق
ليش اضيق خلق حبيبتي امي
والله الحين انه تحبن اكثر واحد من اخواني
وكل اخواني واقاربي تغيرو معي والحين ناشبين لي الا تعرس هههه
اسفين على الاطاله بس لقيته فرصه اني اطلع الي بقلبي عن التتن الملعون
حسبي الله على من دخله للسعوديه
خلونا نسوي حمله ضد الدخان وهو اخطر من الخمر قسسم بالله
والله ما هي محبه او خوف بس يمكن لك محل وتبي زياده طبعا مع زيادة العسكر ودك تلهف نصيبك منها
ان مستعد اشريه لو يوصل 15 ريال
ليش ما تمنعونه وتفكونا ادخل السوبر ماركت والقيه قدامي وتبي ما اشريه
امنعه يا اخي وفكان
حتى لو إرتفع السعر الناس راح تشرب عروق عنب ولا حشيش أرخص
كل شيئ ارتفع سعره اضعاف الا الدخان لانه مضره
اتمنى رفع سعره للحد الاعلى
مع أني غير مدخن
ولكني مراقب للزملاء المدخنين ومتعاطف مع حالاتهم
لا لرفع أسعار السجائر
السؤال
هل رفع أسعار السجائر سيمنع الناس من التدخين
الجواب
لا,,,,,, لأنه هنا في بريطانا سعر البكت خمسين ريل تقريباً , ومع ذلك الناس كلها تدخن وبشرها
والفقير منهم يضطر الى شراء التبغ ويقوم بلف السجائر بطريقة بدائية ومضرة للصحة
وأصبح الدخان وسيلة للضحك على صغار السن من الأولاد والبنات.
وهذه تعد من أبرز المشاكل التي يواجهها المجتمع هناك , ومن يريد أن يستزيد فليدخل الى قوقل ويبحث عن هذه المشكلة
ولذلك اتركوا الفقراء يدخنوا دخان نضيف
يعني رواتب قليلة
ومشاكل اسرية
وأقصاد
وبيوت أجار
واللحمة صارت بالشهر مرة
وتبغونهم بعد يدخنون خشب أو غصون عنب
يا ناس خافوا من الله
الي يبي يدخن راح يدخن , حتى لو يلف قرطاس أسمنت
وصدقوني: رفع الأسعار راح يزيد من لذة وطعم السيجارة
صدقوني يا ناس
العالم ما عندها فلوس ومليانه هموم, خلوهم يحطون حيلهم بالدخان , أحسن من يحطون حيلهم فيكم.
أنا أطلب من الدولة توزيع الدخان مجاناً على المدخنين
أو على أقل تقدير تخفيض سعره لكي يكون مثل أسعار أول
بعتقادي مهما رفعتو قيمة التبغ لا تعني انه سوف يتم الاقلاع عن التدخين
والله يبعدنا عنه يا رب
كس امه حنا نقط عشان نشري دخان يجي يرفع السعر
ياخي وشو له ترفع خلنا ندخن ونموت سريع يريع نعيش ليش فقر وملعنت جدف
اتمنى ان يطبق سعر البكت للدخان كما هو مطبق في الدول النامية والمتقدمة والمصدره الينا مثل
كندا أمريكا وبعض دول أورباء
بحيث ان سعر علبت السجاير ( البكت ) يتراوح ما بين 45 - 50 ريالا تقريبا وانا واحد ممن شاهد هذا السعر مع منع التدخين بالاماكن العامة وعدم رمي أعقاب السجاير ( القطوف ) من نافذة السيارة وتطبيق محالفه قدرها مائة ريال وتكون كمخالفة المرور بحيث انه لايمكن انهاء اي اجراءت حكومية الا بعد تسديد مخالفتها .
انا واحد من المدخنين واتمنى ان يكون سعر عليت السجاير ( البكت ) 50 خمسون ريالا
ريح بالك
مادام فيه مضرة ، و وراه شركات عالمية لها باع طويل بالأمور غير القانونية
فلا تتوقع ان يرفع سعره ابدا
مفروض الجمارك تزيد على التبغ وما في حكمه بنسبة 1000% يعني 10 أضعاف
قصيمي بحت يعني 8 سنوات مدمن
تلقاك بهالثمان سنوات بكتين وتدق 20 كيلو علشان ماحد يشوفك ( مداعبه ) الله يثبتك بس المعروف ان القصمان مايحبون الدخان ومايباع بالبقالات ولا السوبر ماركت
ماهو حل ابدا
وثانيا منهو المستفيد من رفع السعر ؟؟؟
أنا عندي أكثر من علامة أستفهام والسبب أن كل شئ في هذا البلد إرتفع
إلا الدخان ماهو السبب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يعصم شباب المسلمين عنه آمين يارب العالمين
يبدو أن جمعية القلب السعودية لها نسبة في رفع الأسعار
منع دخول التبغ للسعودية أو أي دوله مستحيل لأن التبغ مربوط بالدواء فلو أي دوله تجرأت على ماما أمريكا وقالت ما نبي تبغ يدخل بلادنا حتقول أمريكا ومالو وأيضاً نمنع الدواء ..
التبغ منتج قومي لأمريكا يعني حط تحته عشرين خط أحمر
مفروض على كل دوله تقبل الداء والدواء
يعني أكثر من ملصق التحذير الصحي مفيش
يووووووه وشذا ودنا انهم يمنعونه من الاسواق
اما رفع السعر غيررررررررررررررر مجدي ونا واحد من المدخنين لكن اذا منع من السوق اقنعي نفسي وقول انه ما فيه وروح نام اصرفلك
ذكرتوني مير برفع سعر التتن هههههه بالمدينة ممنوع بيع الدخان منع بااااااااااات
اما المعسل والجراك عادي تلقاه في كل مكان بعض قراراتنا غبية لحد الثمالة
يعني وش فرق التتن عن التنباك والجراك والمعسل كلها جايه من بطن حرام
الظاهر ان سعر الشما حق العمال بيرتفع سعرها من اقبال السعوديين المساكين عليها وتلقا سنونهم كانها سنون بقرة يااااااااحرام وحالي قلبي عليهم
يارب يتم زياده في السعر ويكون بدل 7 الي 15
شاهدو من يشر بالدخان الشباب ويتم استغلالهم من قبل العماله في البلد
وكذلك بعض البنات هداهن الله يشربن كيف تكون ام وهي تشرب الدخان
قسم من يبي يعيش مرتاح النفس والبال يبطل اليوم بعزيمه صادقه
اخواني يوجد حبوب في الصيدليه تساعد علي الابتعاد عن التدخين
ياليت ماتنسون النشر ياعاجل
انا أشوف انه يزوّد بسعره علشان يثقلون كاهل شركات التدخين والوكلاء لهم بالسعودية , علشان يضطرون يزودون من سعر البكت .
طبعا زيادة سعر البكت يعني مايشتريه إلا اللي لهم رواتب وبهالشكل لا اطفال ولا داجّين يقدرون يشترونه يعني اذا مادخن الطفل فمعناته بعد 15 سنة او ازود تبي تشوف مجتمع بلا تدخين لأن اطفال اليوم هم قادة البلد بعد كم عقد.
انا اوافق صاحب التعليق الذي يقول يجب منع استيراد الدخان
وانا اناشد المفتي العام ان يوناصح المسولين في الدولة في عدم دخول الدخان في هذي البلاد المقدسة \\\\\\\\والله يهديى الجميع وشكران ياصحيفة عاجل
ردا على المسمي نفسه مدخن سابق
لو انه مخالفة مرور يقدرون يرفعون سعره للحد الاعلى لكن هذا يا عمي دخان يعني لو سويت دراسه عن اسباب الوفاه بسبب التدخين والحوادث يمكن نلاقيهم متساويين هذا إذا ما زادة نسبة الوفيات بسبب التدخين
والله لو يحطون ساهر على المدخنين كان الكل يرتاح من ريحتهم
انا ابفهم كيف نشرتو
رد الي اسمه مدخن
ياخوي قسم بالله وبقناعتك الشخصيه تعرف ان الدخان يضرك ويضر غيرك
ياخي انت ودك تتركه وتعرف انه بلوه ابتليت فيها
ياخي صاحي انت تقود نفسك للتهلك
سوال وش تبي تستفيد منه ...؟
بتقول لي يعدل مزاجي ..
ليه يعدل مزاجك .. يعدل مزاجك من وش .. مو انت قبل مايصير لك مشكله ولا اي شي كنت تدخن .. ف مظطر انك تشغل عمرك فيه ..
طيب الي مايدخنون مشكاكلهم وهمومهم زيك .. ليش مايعدلون مزاجهم بالدخان ..؟ كناعه عندهم مافيه فادئده ومضره للجسم وخسارة اموال وعلاوه على ذالك غضب الرب سبحانه
انا جربته شهر .. قلت خلني ابشوف وش يصير لي اذا دخت ..
والله مافيه فرق ..
ما اقول الا الله يهديكم بس
والله لوترفع سعره لي مئه ليشترونه
انامدخن اقطعوه من الاسواق ويبطل الشعب غصب
لكن لاترفع الاسعار
طيب لو رفعوا السعر على حسب كلامهم
كم بيخلوه 10 ريال 20 ريال
صدقوني بيشتروه لوكان ب 30 ريال
لكن الكلام المنطقي يمنعوا دخوله للسعودية
بس حتى لو منعوا دخوله
يجي تهرييييييييييييييييييييييب
وحسبي الله ونعم الوكيل
ليه يرفعونه سعره ضحك الدعوه
لا انا اقول
يامنعونهبا المره
اقول موزير المالية مدخن كيف يوافق على الطلب يادكتور
هههههههه
ههههههههههههههه
اسأل الله عز وجل الدي لااله الا هو ان يعافي والدي واخواني وجميع المسلمين من التدخين
السلام عليكم ..
اول شي انا ضد الكلام هذا .. ولو ارتفع سعر الدخان راح نشرية لو كان ب 100 ..
بلوا وابتلينا فيها وانتهى الموضوع
والاحظ شخص يقول يعدل مزاج ومدري كيف .. ..
ياخي راجع مكافحة الدخان ويعلمونك وش طريقة تعديل المزاج
اللي يدخن ميته عنده غدة المزاج . ومايعدل مزاجة الا التبغ .. اختصرت لك كلام طويل وعطيته الزبدة ..
وبعدين الدخان مقطوع ببريدة ومايكفيكم اننا يومياً نضرب مشوار عشان نشري دخان ؟
ياخي بعض الناس نذل .. انت ماتدخن غيرك يدخن ..
تبي مصلحة المدخنين ؟
انا اقولك كيف .. انصحهم وسو حملات اقلاع عن التدخين .. وخلاص
وبالاخير هذي حرية شخصية