" ضياء كوني" للشاعر سعيد بن درعان

ليت مابك صابني وسط العروق
يا ضياء كوني ويا ضحك الشفاه
يا رضاء ربي ويا نبض الخفوق
يا صدى صوتً ويحيني صداه
ليت ما بك ماخذً صدري وفوق
وليتني تعبان وانتي في عِفاه
انتي شمسي لا ولا غيرك شروق
جعلني قبلك افارق ذا الحياه
امي امي يا هوى قلبي الشفوق
انتي نهرً ما أعيش الا بماه
انتي نورك في حياتي ذي يفوق
نور بدر الليل في كامل صفاه
ان لفيتي كاني مالك ما يشوق
عين ناس بالفقر تبغى الغناه
وان فقدتك كن به عندي سروق
اختلس مني حياتي والسلاه
يا اغلى منهو يدعي بقلبً صدوق
واغلى منهو في الرياض وفي السراه
ليت ما بك صابني وسط العروق
يا رضاء ربي ويا سر النجاه