منوة المجروح

يا منوة المجروح طلي وارحبي
الجرح ما يبرى مدامك غايبه
يا نور كوني يالضياء الكوكبي
فيك المشاعر يا غناتي ذايبه
دامي أحبك يا حياتي فاكتبي
الحب عذري ما تجيه العايبه
محشوم يا سيد العذارى يالظبي
مبعوث نور البدر مرسل نايبه
يا ملهمي فخر القصيد اليعربي
يصدق علاقه في حياتي صايبه
يا دعوة امي بالفرح يا مهربي
عن واقعن فيه الأماني خايبه
يا فرحتي يا نشوتي يا مطربي
عجزي عن التعبير وقت النايبه
لا يا بعد حيي تعالي و اقربي
خل البقيه في حياتي طايبه
هلي على عد القوافي واشربي
من بدع شاعر ما يجيب الخايبه
يفداك يا بعد الغوالي كل ابي
يا دافعي صوب الأمل يا جايبه
خلك قريب ولا تكاثر مطلبي
كافي علي آعيش وانتي غايبه
العمر مره طالبك يا صاحبي
الحق عروق القلب يا هي شايبه
تكفى معاد البحر حمل المركبي
والموت في بحر المحبه هايبه
قفى زمان الحزن طلي وارحبي
دام المشاعر في هواكم ذايبه
يا جعلني مفقد وصالك اقربي
العمر ما يحلى مدامك غايبه