يطول الصد

يا شين فرقى من تحبه الى طال
لاابطى عليك أيام ماكن تحريت
تهواه ترقب جيته تسهر ليال
وياما حلا شوفه الى عنه ابطيت
عود علي أرجوك ياطيب الفال
وشبك حياتي في بعادك تماديت
أنا الغريق اللي بداء يرقب الجال
وأنا الصويب اللي حشا ماتشافيت
ترى الغياب إن طال ما يبري الحال
أقبلت لك مشتاق والمشكل اقفيت
اشربك شهد ٍ بالحلا عندي زلال
وياما من دلالك غلا قد تقهويت
من سبتك شفني بلا فيء وظلال
اهيم في حبك ولارحت لاجيت
اسهر واجادل نفسي الليل بجدال
وانت المريح اللي علي كن ما اخطيت
أسافر بدنياك وأعيشك آمال
وال طيفك ازهم ياعسى تقول لي جيت
مكانك اللي بالمحاني ولازال
مهما يطول الصد مهما تناسيت
اهطل علي أرجوك ياغيم همال
ليتك حبيبي تقرب أرجوك ياليت