الغياب

أحيان اقول اني بدونك شقي حال
واحيان ابرّر للمحاني فلا اخطيت
شفني هنا اتعب واسافر للأطلال
واعذر خفوقي والعناء لو تباطيت
يا شين فرقى من تحبه الى طال
وياما من دلال الغلا قد تقهويت
ترى الغياب ان طال ما يبري الحال
اقبلت لك مشتاق والمشكل اقفيت
الدرب موحش والجفاء ضيق ٍانهال
يكفي تراك بجد عن عيني ابطيت
انا الغريق اللي يبي يوصل الجال
وانا الصويب اللي حشا ما تشافيت
من سبتك شفني بلا فيء وظلال
وانت المريح اللي عليّ كن ما اخطيت
اسافر بدنياك واعيشك آمال
ولطيفك ازهم يا عسى يقول لي جيت
وينك حبيبي والمنى طيف يختال
والصدر باسبابك له اليوم تنهيت
وان شفتكم تبدّل الحال بأحوال
طلي تراني من عناء الوقت مليت
اهواك واهوى شوفتك وانتي لحال
متربعة في قلب خلّك ولك بيت
مكانك اللي بالمحاني ولا زال
مهما يطول الصد مهما تناسيت