بعد العنا

مشاركة شعرية تحكي جمال لحظات لقاء الوالدين بعد غياب
يا زين والله شوفتك والدينك
وقت الاجازه يوم طوّل غيابك
لا شفتهم طيْبين قدام عينك
يطيب في وقت اللقى كل ما بك
لاجيتهم بعد العنا ناقلينك
موقّعين وخاتمينه خطابك
تحلا بجمعتكم سوى كل سنينك
بعد السلام وقولهم يا هلابك
بلزومهم تطلب عسى الله يعينك
في شيبهم يمسح بياضه شبابك
وتعيش متنومس وعالي جبينك
للضيف بسم الطيب مفتوح بابك
بن ٍ يماني حامسه من يدينك
والهيل هندي حاسبٍ له حسابك
للضيف قدّم من عشاكم سمينك
يا حي علمٍ في مباديه جابك
الطيب فعل ٍ تكسبه من يمينك
ماهو كلامٍ من مذيع ٍ لغابك
الطيب يخفي عن مدى العين شينك
والشين يفضح ما تغطي ثيابك
حافظ على اسمك وبيتك ودينك
يا الحق محدٍ ضاع يومه مشابك
اللي تدينه في حياتك يدينك
واللي تصيبه بالمخاليق صابك