يا سيدي: حنا جنودك

أقسم بربي والولاء يا سيدي يبغى جزم
وأنا حلفت بجاه ربي لفدي تراب الوطن
هبت هبوب العاصفة باسم المعزة والحزم
نسمع دوي رعودها تراعدت منه اليمن
حنا لها باسٍ شديدٍ ذو شموخ وذو عزم
بصوت واحد كل ابونا: ويل منهو جا عدن
يا سيدي حنا جنودك والجنود اللي تزم
افعولها من روسها لا ثار دخان الفتن
حنا تحزمنا ملكنا والمليك اليا احتزم
تاتي سرايا محزمة ثم تدفن العايل دفن
من دون دارٍ خصّها الله في حطيم الملتزم
الموت عزٍ في شرفها دون ما نحيا غبن
ندعس على راس العدو حتى يخر وينهزم
في الجو ولا في الثرا ولا على ظهور السفن
اللي يمس امن البلد كنه على الموت انعزم
ما دونه الا السيف والبندق ومجدول الرسن
ننقض ردا فعله ونجزم فالوغا كبده جزم
ونكبر ونصدح بصوت الله يديمك يالأمن