مرحوم يا راعي الكرم

البارحة نوم البشر ماهناني
كنه ينهّش بسرة القلب نابين
جظيت جظت من دهاه الزماني
حيران وهمومه بصدره ملايين
على الذي له في ضميري مكاني
منساه لو انسى جميع المحبين
مرحوم يا راع الكرم والحساني
يا جامعٍ العقل والطيب والدين
عسى مقرك في فسيح الجناني
يا سامعينٍ دعوتي قولوا آمين
يا مركز الحكمة بكل المعاني
ياما سعى بإصلاح من بين الاثنين
تضرب به الامثال قاصي وداني
ما ينحصن افعال طلق الحجاجين
ياقل من مثله يجي مرحباني
حكمه وحسن اخلاق والمنطق الزين
يا مكرم الطرقي ومن جاه عاني
من ودّه يسولف ومن حدّه الدين
عدٍ قراحٍ صافيٍ ريهجاني
تروده الاجناب هم والموالين
مبارك العسكر عريب المجاني
ياخذ على فعل الجميلة براهين
فاز بكرم حاتم عيانٍ بياني
شيّال حمل اللي عن الحمل عجزين
ما مات من عقّب طوال اليماني
اخوان وعيالٍ على الطيب ضارين
هواجرٍ ما عاد فيهم مثاني
زين الدخيل وملحقين المخلّين
والمعذرة واللي قصر من لساني
بين المحاني يالرجال الميامين