مات الامام

شفت البيان وهزني يوم الاثنين
ما شالني عظمي وطحت بمحلي
مات الامام ومالح الدمع بالعين
يا عين هلي صافي الدمع هلي
مات الذي هز الدول والسلاطين
اللي وقف في وجه كل امتولي
عز القريب وسقم كل المعادين
اللي له الحكام توقف تهلي
مات الكريم الشهم عز الفقيرين
مات الذي كل لقى منه ظلي
يا لله ترحم خادمك بالشريفين
مكه وزمزم تشهد بفعله اللي
ابو المره والطفل والعود والدين
راعي الكرم والطيب فيه امتحلي
اللي سهر في خدمتك والمصلين
يشهد له امن الناس رجل يصلي
يا ربنا .. يا رب في فقده تعين
وتسكنه فردوس فيها امتعلي