ضحى العيد

يحز في نفسي وانا في ضحى العيد
ان الحبيبة عن عيوني بعيده
ذا ثالث الأعياد ما شفت تجديد
ومثلي فقد كل الليال السعيده
فندّت ما قالوا هل القيل تفنيد
وقلت الحقيقة في حروف القصيده
للعيد عند الغير.. فرحه وتمجيد
وأنا التهاني جرح قلبي تزيده
ليت اللقاء بك له مكان وتحديد
البعد لاع القلب وأدمى وريده
عودي ويكفي يا هوا البال تنكيد
نفتح لنا صفحة غرام جديده
وطعم اللقاء خليه يزداد بالعيد
دام اللقاء قلبي يبيه ويريده
وخطيت لك احلى التهاني وما ريد
ونشرتها لك فوق صدر..الجريده
سعد الشليل