مزنة الوسمي

لعب في حسبة أفكري شرود الذهن بالتشريد
ما عاد أذكر ولا عاد أعرف اسمي ولا رسمي
جداي أسامر الهاجس وأساهر جرة التنهيد
وأخايل طيفك اللي راح روحة مزنة الوسمي
يا ليتك ما استبديتي وزودتي لهجة التهديد
يا ليتك ما شطحتي للي انستني حروف اسمي
يا ليتك أو ياليتي أو يا ليت إن قول ليت يفيد
ولكن هذي القسمة وهذا قسمك وقسمي
وهذا كيدك اللي زاد تنكيد الزمن تنكيد
وزاد همومك اللي باديه قلبي جسمي
حديتيني على هاك اللي زادت وضعنا تعقيد
حديتيني على هاك اللي ما ودي بها استسمي