المجد لك يا وطن.. والمجد لرجالك

المجد لك ياوطن والمجد لرجالك
بقياده اللي حكم والشرع دستوره
يا دارنا زان لبسك عقب ماجالك
وإن قيل يا دار من هو قليل اخو نوره
بانين مجدك وعزك خيرة عيالك
أحفاد من اسسك كل(ن) خذا دوره
يا ديرة الخير والكل يتعنالك
بين الدول يا بلدنا صرتي اسطوره
يا دار بين الدول يا كبر منزالك
الحكم عادل وبالإسلام معموره
يا خادم البيت عند البيت يدعالك
يدعيلك اللي يحج البيت ويزوره
أهل الوطن والوطن كله على بالك
أناشهد إنك ذراه ورافع(ن) سوره
بنيت ما يحفظ التاريخ بافعالك
خطتك في رفعة البيتين مشهوره
فيها مشاريع ما تخطر على بالك
حكومة(ن) همها البيتين مشكوره
يا قاصد البيت طوف وطّوف عيالك
الأمن في دارنا والعين مسروره
يا دار حنا شباب وشيب نفدالك
نحميك يا دار والعدوان مدحوره
يا طامع الدار عنها جنب اشوالك
من دونها وقفة الشجعان مخبوره
يا دار والله عدوك دايماَ هالك
من مد يمك إيدين الغدر مبتوره
مسند مازن الميزاني