عضيد الشامخ النايف

سلامتك ياوريث المجد والطيبه
يا أمير عز الديار وراعي الهيبه
سلامتك ياعضيد الشامخ النايف
يا فخرنا ياعزيز(ن) كم نماري به
والله رد البلا في نحر هالفاسق
اللي بكل الطرق فشلت الاعيبه
جند حياته لحرب الدين ورموزه
برهن على خطته بزعمه وأكاذيبه
بومة ظلام إن نعق محد(ن) درى عنه
وطويق ماهزته فعلة هل الخيبه
الصقر لامن كفخ محد(ن) يقرب له
يحوم وليا قنع يرجع مراقيبه
واللي يخون العهد مدحور باذن الله
ماله كرامه ولاعزه ولاهيبه
والله بفضله حمى جنرال دولتنا
وهزم فلول الرخوم وزادهم ريبه
يبطون مايوصلون لربع غايتهم
مادام هذا الوطن صعبه مشاريبه