راس الوفا

لابأس يارأس الوفاء والأمانه
يامحمد النايف عريب الجدودي
يانسل حر(ن) دوم مرفوع شانه
نايف مفكك مبهمات العقودي
واللي حفظ موسى بأرض الكنانه
ينجيك يارجل التقى والسجودي
ياسيدي ربي عطاك الحصانه
نيتك بيضا يا سليل الفهودي
تعيش يامروي كبود(ن) ظمانه
مثل المطر يسقي رمال النفودي
ويعيش دار(ن) بالمعالي مكانه
دار الفخر والمجد دار السعودي
ومدحور ياراس الكفر والخيانه
والله ما ينصر لئيم(ن) حسودي
من طيب أبو نايف كسبت الميانه
ولا أنت ما يفعل سواتك يهودي
طبع الغدر تراه ساس الجبانه
فعل مشين ونكث كل العهودي
ختمتها والهرج نقطف سمانه
وهي سحايبها تنشي الرعودي
من شاعر(ن) ما كان يعجز لسانه
بس الحدث بيفوق بيح السدودي
حسين القفيلي