الحبيب أبو العواكيس تحية وبعد، وش رأيك في المحترف المصري أحمد علي ماشاء الله أول مشاركه مع الزعيم وطلع المنصة صديقك-عبدالرحمن الضويان-أبوهيثم توه ماشاف شي هو طلع المنصة وغيره طلع في حلق الحكم! *صديقي معوكس بعد الاحترام والمحبة، أبشرك حصلت على العضوية الشرفية للنادي المنافس لفريق اصدقائي وش توقع امسك منصب في المستقبل؟ محبك-حمد الدوسري -أبومبارك المشرف على الفئات السنية في المصاقيل وعظيم ساري! *قاهرهم وحابس دمهم أبوالعواكيس تحية وبعد، ودي أعرف ليش الاهلاويين زعلوا يوم فكتور قابل فارياس؟ صديقك-بندر العصاي-عنيزه خايفين يلحقه ولايرده الا برج العرب! *معشوق الملايين عكوس، بعد حبي وتقديري معقولة الحسن كيتا يرجع الملاعب السعودية عقب فعلته المشينة وين القرارات القوية والحزم؟ صديقك-عبدالملك المرشد-عرقه الغربيه الحزم في المركز الاخير! *عزيزي معوكس بعد التحية ياخي وش ذا الدفاع عن عباس من القريني بعذر النصر لودحدر من زعبيل الى الكويت وياقلب لاتحزن! عبدالاله المنصور-الفيضة *شكل أبوحمد مادرى أن المباريات منقولة هذا يسمونه تكتيك رفع معنويات! *الحبيب أبو العواكيس، تحية وبعد أشوف صاحب دفتر أبوأربعين ماأعجبه تعاقد نادينا "العالمي" مع النجم بدر المطوع مناور وصديقه سطام-الرياض لو يتعاقدون مع ميسي ما أعجبه مسوي فيها مورينو على غفلة! *الرهيب معوكس تحية وبعد، شفت الهلال وش زينه مستوى وأخلاق واحتكاك قوي وأخيرا بطوله يا والله الفرق عن غيره اللي فشلونا بالطقاق والانسحاب؟ مساعد العتيبي- الرياض اجل الاماكن كلها طقاق ومالهم الا يلعبون بدون حكام! * ماتلاحظ عزيزي معكوس على الرغم من نجاح بطولة آسيا كل العرب "هاردلك" والمحللين الرياضيين "لاتقاطعني"؟ عبدالرحمن النويصر-الرياض لاتقاطعني ويقطعون في عباد الله *الاخ العزيزابو العواكيس تحيه طيبة وبعد، نبارك لنادي الاعتماد فوزه بكأس بطولة المحافظة، وتأهل درجة الشباب لتصفية الممتاز، ونبارك للادارة وعلى رأسهم مدير النادي منصور الموينع والمدربين الوطنيين شاهين السعيدان ويوسف الموينع، ونرجو من الإدارة بعد هذا الانجاز عدم التخلي عن هؤلاء المدربين الأكفاء؟. محبكم ابومحمد-روضة سدير خاصة ان برشلونة ينتظر على احر من الجمر! * معوكس الحبووووب مدري ليش ماسكة معي انك تشبه المعلق ناصر الأحمد الطول الشكل اللون كنه انت؟. بدر اليعقوب-القيصومة أجل شلها ياشبيه اصويحبي حسبي عليك! *ابو العواكيس الف تحية الا وش اخبار "متنبي الغفل"؟ اخوك لملوم في طريقه يصير احمد شوقي.
