سافر فمان

إن كنت ناوي بالرحيل وَلا بقى فيها كلام
سافر فمان الله لكن لا تعوّد تعتذر
رح وين ما ودّك تروح ان غبت شهر وغبت عام
ما عاد تعني غيبتك حتى ولو طُول الدهر
كلّ يعيش لحاضره والماضي عَليه السلام
ما دام فرّق شملنا ما عاد به وجهة نظر
احسن لنا نبعد كذا من دون تشويش وخصام
نرضى بواقع حالنا ونقول مكتوب وقدر
ودي تعيش بعالمك ويكون لك شان ومقام
من شان تذكر عالمي إن كان في بالك خطر
وأنا بحقّق رغبتك وألغي حضورك بالتمام
من غير ما اجرح لك شعور ولا يجي مني ضرر
ويكون من عقب الوصل حالة قطاعه وانعدام
ويكون من عقب الوفا والحب نسيان وهجر
والماضي اللي بيننا خلّه على صدرك وسام
ان كان عدت من السفر وان كان طوّلت السفر
واذا قضيت بدنيتك عمرك ظلام ٍ في ظلام
هنا تقول وتعترف من هو الذي فينا خسر