سلطان يارمز الفخر والزعامة

حيا لله اللي غاب عنا من العام
الحمدلله جيتنا بالسلامه
كريم شهم وبالصعيبات مقدام
يامن كستك المرجله والشهامه
شيخ يفوح الطيب منه ليا قام
بقلوبنا شخصك يزيد احترامه
حنا معك ياسيدي طول الأيام
ندعي إله الكون يجلي الغمامه
إنته يا أبوخالد لنا ستر وحزام
ياللي حكيم بمنطقه وبكلامه
لاما تعبر عن خصايلك الأقلام
ظلمة الرياض بغيبتك والثمامه
بوجودكم يامير مافيه منضام
سلطان يارمز الفخر والزعامه
الأرمله تدعي ويدعون الأيتام
يدعون رب البيت محيي العظامه
الكل يدعي لكم ياشيخ ضرغام
يعافيك رب البيت يابو اليتامه
الله يزيد بعمرك اعوام واعوام
والحمدلله رجعتك بالسلامه
رجوى الخالدي