كل شعب المملكة مستقبلينك

بالله انا حامدين وشاكرينك
يوم سلمت «الحَيَا» طلق المحيّا
كل عين تنتظر طلة جبينك
أمطرت بالشوق من شوفك هنيّا
وكل شعب المملكة مستقبلينك
شايب وشبّان .. وأطفال سويّا
يا ولي العهد.. والله تابعينك
من مشيت الين جيت أرض الحميا
شف عيون اللي على الطالة يعينك
أنت يا سلطان.. بعيونه تفيا
مع خفوقه والمشاعر حاضنينك
وانت نبض القلب له للعين ضيا
خادم البيتين.. عبدالله سفينك
شايلك هجس وغلا صبح وعشيا
يابو خالد.. وانت مثله خابرينك
خادم الخادم.. دايم به رضيا
ياكبر حنينها.. وايضا حنينك
السعودية.. علشانك.. تهيا
فاقدينك.. فاقدينك.. فاقدينك
وكل شعر المملكة لأجلك.. شويا
ويالله انا حامدين.. وشاكرينك
يوم سلمت الحيا.. طلق المحيا
منيرة الحمد