الحبيب الغالي معوكس تحية وبعد يسعدني التواصل معك وبودي اسألك ليش بعض الجماهير صارت تحرص على حضور تدريبات فرقها صديقك عبدالملك المرشد - الرياض - شكلهم قراوى أول مرة يشوفون لاعبين معتزلين!! عزيزي معوكس وش بلاها ولعت بين لجنة الاحتراف وبعض الناس عبدالرحمن الضويان - الرياض - كلها ايام ويطفيها مؤتمر يعلن التعاقد مع كاكا!! صاحب المليون رسالة ابو العواكيس تحية وبعد يعني على كيف النصر العام خذوا عباس من الطائي والسنة ربيع وحمود من الرياض الدعوى فوضى بندر العصاي - عنيزة - اجل على كيفك وانتبه لا ياخذون ابو عزوز رئيس النجمة!! عزيزي معوكس بعد التحية رايك يا صديقي كل اللي راحو لمعسكر الهلال في النمسا يستاهلون مساعد العتيبي - الرياض - يستاهلون ويحلمون بالعريجاء!! عزيزي معوكس تحية طيبة وبعد من تتوقع يتألق أكثر مع فريقه كوري الهلال ولا كوري النصر عاشق العالمي - عبدالإله المنصور - الوضع حسب المندي وشاورما العريجا!! صديقي الخاص معوكس تحية وبعد تتوقع ينجح التايب مع الشباب مخاوي الليث - عبودي - بامتياز مع مرتبة المنصة وحرس الحماية!! عزيزي معوكس بعد المحبة والتقدير معسكر الهلال في النمسا فيه واسطة ولا نظرة فنية الهلالي عبدالعزيز السليمان - نظرة ونظارة ابو عمارة اللي فصلها الدكتور!! الحبيب معوكس تحية وبعد هل تتوقع ان ينافس الوحدة فرسان مكة على صدارة دوري زين ابو مصطفى - مكةالمكرمة - الصدارة مرة وحدة قوية!! اخ معوكس: هل تعتقد ان مفاجأة توقيع طارق التايب للشباب حقيقة ام هي تحويلة مثل التحويلة التي في شارعنا؟!! سفير الحلة - الخبراء - الحقيقة غدت مثل هلال الساحل!! صاحب الابتسامة الساحرة معوكس المحترم اقول من شاف صفة الاقلام اللي في جيبك قال وش هالبروفسور الداهية وانت ما عندك ما عند جدتي سؤالي ماهي مشاريعك القادمة في المجال الفني. محبك الدائم الولهان - جدة - تسجيل حلقات خلك معي يا معوكس!! الاخ معوكس صباحك اشطه عزيزي تتوقع ان مستوى التايب مع الشباب احسن او مع الهلال. وترى عبدالله المطيري بيسجل مع نادي المان يونايتد وعبدالله العتيق مع النادي المدريدي ارجوك بدون تسحيب اخوك ابو محمد المزاحمية - مع الهلال بيض عيون والشباب شكشوكة وقلابه!! معوكس، مزعل فرحان، صحن قايم، شعبولا، سول، بشير الغنيم، تامر حسني، عبدالله الصريخ، مع البهجة والفرح والمقالب المضحكة والفوازير. يابو العواكيس ولا يهون الحاضرين، انا عازمكم على زواج ولد جارنا خلف وتراه موصيني عليك حيل حيل ومانع اصطحاب الجوالات والدعوة عامة. بدر اليعقوب - القيصومة ما يحتاج جوالي برج العرب بدون كاميرا!! عزيزي معوكس تحية طيبة وبعد.. ماهي اوجه الشبه بين لاعب الاتحاد سابقاً تشيكو ولاعب الهلال ولي هامسون ولك مني احلى تحية مع تحيات عبدالله عبدالرحمن الهديب - الدلم - كلهم ودهم يلعبون للشرق والشعلة!! الاخ معوكس تحية طيبة وجمعة مباركة ما قصتك وراء تهميشك لقاهر الكبار نادي الطائي وما رأيك بناشئي الطائي ودمت بخير. (عليان الجريفاني) - حائل - قاهر الكبار صار في الاولى قاهر الغبار!!
