عواكيس

* العزيز معوكس - تحيه وبعد:
ما الذي تحتاجه الكرة السعودية من تخطيط لنتأهل لكأس العالم؟
صديقك: معاذالحميد - مرات
- عودة مكبرات الصوت!!
* الا تظن يامعوكس ان سحب مقعد من الاندية السعودية تم بفعل فاعل؟
صالح الغضوّري - تبوك
- لا تم بونش وسطحه واقفه على الدائري!!
* السيد معوكس صباح العسل والقشطة من الفريق اللي يستأهل ان يلعب في كأس اسيا الهلال والاتحاد هبط مستواهم والشباب والاهلي نفسهم قصير والعالمي من زمان في اجازه؟
عبدالله العبيوي ابو نايف عاشق حي المصيف (الكويت)
- منتخب سدير!!
* والله يامعوكس يا تويتر يا هو فضح بعض الناس.. ياليت لو تدخل وتشوف كم واحد يدخل مرة باسم فرحان ومرة زعلان ومرة (ندمان) ومرة مرتاح؟
حبيب الخليف - الخرج
- وش أشوف مشجعين يتناقدون كنهم اديكه!!
* العزيز معوكس ليش الاتحاديين ينتقدون جميع لاعبيهم الا محمد نور وش السر؟
عبدالله الثبيتي - الطائف
- السر عند الجيش القطري!!
* منذ دخولك يامعوكس للاعلام لم نلحظ اصدارك لأي بيان.. ما هي الاسباب وهل تخاف ردة الفعل؟
عبدالحميد الغامدي - الباحة
- البيانات لو تبي تسر سرت اللي أصدر الف وآخرتها المركز السادس!!
* حبيب الكل معوكس ليش ما تمدح بعض البرامج وتخلينا نشوف ضيف دائم لو أنت ما تعرف تحكي وتكتب على طريقة الدفع الرباعي؟
خالد المطيري - حفر الباطن
- عاد فيه برنامج يستاهل كلها طقاق ودعاية أصواف وساعات وكبكات!!
* المكرم معوكس ليش مطرف القحطاني تحامل على الهلال وحرمه الفوز على التعاون
الشبابي - احمد الفريحي
- بعض المشجعين ما يقدرون يسيطرون على مشاعرهم!!
* صحيح يامعوكس ان الهلال ورطان بالعربي وايمانا وان الاندية رفضوا التعاقد معهم؟
فهد الثابتي - عرعر
- اقول الله يخلف على محترفين يغيبون عن الفريق سبع مباريات!!
* الاستاذ معوكس ما هي نتائج آخر اجتماع لادارة القادسية وكيف ترى مستقبل (فارس الخبر)؟
محمد الدوسري - الخبر
- التصويت على اللي يبيه الهلال والوضع على الصامت والموافقه لغيره!!
* هل تظن ياخ معوكس ان الاتفاق سيخرج بفائدة من شكواه ضد بعض الاندية والمطالبة بحقوقه؟
حمود المساعد - الهفوف
- يحلمون!!
* الكاتب الخطير معوكس وش الفرق بين الجواد والحصان والشيهان والصقر؟
ثامر الخالدي - الدمام
- على قولة اللجنه مثل الفرق بين الاساءة والاتهام!!
* العزيز معوكس من هو المتسبب بالخلاف بين عمر المهنا وعلي المطلق لا يكون واحد غاير من نجاحات اللجنة؟
سعود الشريهي - الرياض
- خاصه النجاحات اللي بتوصل لتحكيم برشلون وريال مدريد!!
* صاحب المليون رساله معوكس
تحيه وبعد:
برأيك كيف انتصرت لجنة الانضباط ولجنة الحكام على فريقي والله ظلم بلنتي مطنش وعقوبه للجمهور
بندر العصاي - عنيزه
- بفعل فاعلين!!
* العزيز معوكس
تحيه وبعد:
تتوقع الانضباط يخلون مباراة الهلال الجايه على ارضه قدام النصر بدون جمهور
نواف الصيخان - حي لفلاح
- لا هذي قوية ولو درى عنها مطرف حسب البلنتي وعطى الفرج باقة ورد!!
* قاهرهم وحابس دمهم ابو العواكيس
تحيه وبعد:
ودي أعرف وش الفرق بين الاساءه والاتهام في الوسط الرياضي
عبدالملك المرشد - عرقه
- أبدا هذا الفعل اخو الفاعل والحبق اخو النعناع!!
* صديقي معوكس تحية وبعد فيه حكم باط كبدي ظلم فريقي وسلب منه انتصار وش السواة؟
صديقك حمد الدوسري - العزيزية - الرياض
- هذا مفروض تكلفه اللجنه لقيادة مواجهة منتخب الضبان امام منتخب الارانب على ستاد سوق الحمام الدولي!!
* الغالي معوكس - تحيه وبعد:
- شفت كاميرا القناة وشلون انحاشت بعد مباراة الاتحاد والرائد وتحولت مكيرسكوب بعد نهاية الهلال والتعاون
عبدالعزيز السعد - الشفاء
- انحاشت يقولون يالله تمكنوا المخرج على الخط السريع!!