المطر ربي علينا مد حبله

مرحبا باللي علينا هل وبله
مرحبا به عد ماهلت مزونه
وعد ما ينشيه رب الكون قبله
عد ناس من غيابه يرتجونه
المطر ربي علينا مد حبله
استجاب لدعوة اللي يطلبونه
كل مخلوق على الدنيا طرب له
فرحته بالغيث تحكيها عيونه
فرحة الشاوي وراع الابل وابله
زال عنهم همهم واقفت ضعونه
اشهد انهم عانوا من الهم قبله
لكن الله ساق نوه في حتونه
العلف شهرين ويخلون عبله
وصاحبه ما ياجد اللي يشترونه
ينقطع من بينهم نقله وسبله
من ينادي للعلف ما يسمعونه
الفسيحه تبنت خزامى وربله
وعشب وسم مختلف شكله ولونه
الربيع يطق فوق ا لأرض طبله
والنبات يهز للبيدا متونه
الحيا كل المخاليق تحسب له
يالله انك تقطع اللي ما يبونه
شبيب بن شاهر