يكفي ترى شفت الشقا

جيت المكان اللي تقافت لياليه
عقب الزمان اللي بكيته واعاني
وهلت دموع العين والقلب مشقيه
همه وذاق المر سر وبياني
جيته وأبي يسلا خفوقي بما فيه
من هم وأحزان وجروح ابزماني
وزوّد هموم القلب من جيت ناصيه
وأنا من اللي شفت همي شقاني
جيته عقب هم بقلبي معانيه
أبغا يزيل الهم وأسلا عساني
ولافادني منصاه والقلب كافيه
حزنه بهمه عقب منصا المكاني
ياليتني مارحت له عقب راعيه
وانسى همومي يوم حزني احتواني
الله واكبر عقب خلي وطاريه
وعقب المكان اللي به الزين كاني
خالي وموحش عقب ناسه وأهاليه
ما كن فيه أحدٍ يشاف ويباني
وياذا المكان اللي به الزين ياتيه
يكفي ترى شفت الشقا والهواني
نفل محمد الصخيبري الدوسري