دقات القلوب

إن غبت عن دنيتي وش عاد يبقالي
باقي البشر كلها ما عاد تعنيني
يا حبيبي ما يفيدك شي غربالي
تعال اهنيك طاوعني وهنيني
جتني رسايلك مكتوبة بجوالي
بأحلى العبارات لكن ما تكفيني
ما تدري انك شقيق الروح والغالي
حرام تقسى وتهجرني وتشقيني
لخبطت فكري وشانت عقبك احوالي
قلبي يناديك جاوب كان تغليني
قلبك إذا دق يعني جالك مرسالي
وقلبي إذا دق إنت اللي يناديني
طيفك اشوفه معي او واقف قبالي
من وين ما اروح في دربي يباريني
ليتي معك او نديمك بس بلحالي
واشربك من لهفتي واحطك بعيني
موجود فينا الغلى وطعم الوفى حالي
مسقيك كاس المودة وانت مسقيني
حبك منول وتالي حي ما زالي
لو راح حبك حبيبي وش بقى فيني
علي الدويسان