أشوف منظر خيال ما بعد شفته صورة خزامى لها بالقلب منزاله

يا ناشرٍ صورةْ ما هي من خَياله
نَشرك لها الصورة ترى به تحدّي
اشرح لي وللجيل معنى الشمالة
يوم العمل والوقت صارم وجِدّي
يوم الحويّر ما يخلّى لحاله
يشاركونه في شطورٍ تِشَدّي
عسى السحاب اللي ثقيلٍ خِياله
يسقي مراتع ناقةٍ له تِرِدّي
يروى ونشرب درّها في البياله
والحلّ بين اثنيننا يصير ودّي
محمد مقحم المقحم-الرياض
الناقه اللي ترضع اثنين حيران
وقفت لهن والعطف فيها جبله
كل واحد منهم على الديد شفقان
في وسط قاع شوفتك ما تمله
عز الله اللي مالكها بيصير بطران
ياما بين الناس سوت سمعة له
البل مكسب واسال اصحابها يافلان
كم واحد (المنقيه) صارت تجارة له
خالد بن ناصر المخيمر
سبحان من طوع لها والدتها
حليبها صافي وهي اللي تدره
من رحمة الله بالمروفه نصتها
وتاقف لها ورجولها مستقره
ومن خير ربي كم سطول ملتها
حليبها نافع ولا احد(ن) تظره
سليمان بن عبدالعزيز السنيدي
دَرَّت النَّاقه بِموْفُور الحليب
لحيرانها الاثنين إبحالَه نادره
وقْفة أمُومه ما بها شيٍ غرِيب
الله غرَسْها في مواقف باهِره
يا رَاعي الناقه أحِثَّك يا حبيب
خَل أنْظارك عليهم ساهِره
سعود عائش الحربي
خلو الحوير يرضع امه
والشق الاخر يكون للبكرة
مبشره راع البل ومبشرة عمه
تبي تجيه البشارة اليوم او بكرة
صالح البشري
اشوف منظر خيال مابعد شفته
صورة خزامى لها بالقلب منزاله
حوار من امه يمز الضرع وارفته
واشوف الاخر معاه يشفها داله
خلفه تدر الحليب بحق ما نلته
ومبروكة هاديه ما تربط حباله
حمد عبدالله الوايلي
العدد السابق