الشطر بفم الطفل يشرب حليبه والشطر الآخر في يد اللي حلبها بعض البقر تاقف وهي مستجيبه هديةٍ ما ترفض اللي قضبها علي رشيد الرشيد - رياض الخبراء هذا الحليب اللي عن السوق يغنيك خلّ القواطي ابتعد عن شِراها اشرب على كيفك عسى الله يهنيك ترى الصناعي ما يفيدك غذاها محمد عبد العزيز الخنيفر - أشيقر خذ راحتك وإشرب من الديد ديركت لا تنتظر من لك يحلبه بطاسه وخلك حذر عن لفخته لا تحركت أو صاح له من عوّده للدياسه فهد بن عقيل الطويان - بريدة غليّمٍ يرضع النّاقه تغليه والطفل يغليها والخوف يا ناس ما عاقه ما خاف تاطاه رجليها صالح عبدالله الجلعود - القراين عزاه يا وليدٍ تضور من الجوع أما يتيم أو جاير الوقت واطيه ربه كريمٍ ما يخليه مجدوع سخرله العجله وكبّر علابيه عبد الكريم النغيمشي - الربيعية الطفل تحت البقر يشرب كفاكيره جوعان وإلا زمانه عاوين ذيبه وليا سمح خاطره يزيد تفكيره والجو صافي بعد هانت ملاهيبه غازي قاعد العتيبي - الدوادمي ما نيب فاضي انتظر خظة الديد أريد شيٍ جاهزاً مايبي وقت الله يحفظني تجي كيف ما أريد ما يصيبني علّه تقر لو تطببت عبدالمحسن محمد الجريسي - الرياض الجوع كافر كيف سوى الهوايل خلا الولد يرضع فضرع البهيمه حليب ساخن طازجٍ حيل سايل وليمة ٍ ما عقبها من وليمه وائل عبدالله البلالي - الرياض يا وليد لا تشرب من الديد جرعه تصيبك الجرعة بمكروه بادي شربه من النيدو يكفيك نفعه ويوجد سميلاكٍ به القمح عادي محمد الغامدي سبحان من للطفل سخرك يا ناقه حالي لبنك الطفل بالفم يشرب وعشان إعطا الطفل امن الثقه طاقته اثنين تحميه وقيفٍ على الدرب سعود عائش الحربي - القاهرة طفلٍ مصوّر واقفٍ يرضع الديد من ناقةٍ تبارك الله سمينه منها الطعام وللنقل تقطع البيد وخير البشر هاجر بها للمدينه سعود بن عبدالعزيز الهزاع - نعام يالله يا مشبع الجيعان تلطف بطفلٍ شارك الفصلان من ضرعها تقل هيمان ولا هوب في كل دكان عبدالكريم عبدالرحمن السلوم - القرائن أنا اشهد ان الجوع حاديه.. حاديه مبروكةٍ هالبقرة اللي تحتها طفل صغيراً والشطر تو باديه يشرب حليبٍ صافيٍ ماغلتها حمد عبدالله الوايلي - حوطة سدير عزي من حالته بالحيل مشتده الجوع خلاه تحت الثمر ثابت لاواهني اللي من الناس مارده من كثرة الناس جود اليد ما ارتابت محمد بن فهد الجلعود - سميراء خلوني أشرب واروتوي من الحليبي طازج ومبستر ما يبي زود تبريد كامل دسم ما فيه شيٍ يعيبي محفوظ من رب البشر داخل الديد خالد بن ناصر المخيمر - روضة سدير الطفل يشرب من حليب البقر ليش لأن الحليب اللي بالأسواق غالي وأمه وأبيه مدوّرت لقمت العيش والجيب من جشع التجاجير خالي عائض طلق اليابسي - الرياض صورة عجيبة شفتها صابني هبال يا الله يا كافي .. ويا الله يا كافي مكيف على ديد البقر خالي البال يشفط على كيفه حليبٍ وصافي سميرة سليمان العبرة - الرياض صورة العدد الماضي
