لا لا يغرك يالمشاهد حليبي ولا لا يغرك قصر طولي وكفي أصف مع كل الهواكر وأجيبي شف جلستي وأحكم قبل لا تصفي نايف حمود النافع طفلٍ على بطنه ومن حوله الديد واللاب توب اللي لعب فيه بيديه مستقبله بذن الولي نقشٍ بحيد علم وصلاح له مع الوقت يمديه صالح عبدالعزيز السويح - روضة سدير عادي لك التدليه كيبورد حاسوب كلٍ يشيله في يدينه وجيبه لبتوب صار لسان للناس وإينوب به خير لكن فيه شر ومصيبه فهد بن عقيل الطويان - بريدة هذا وليداً في سنين الرضاعه خلى حليبه وانشغل يفتح النت أنا أشهد انه وقت علم وبراعه للطفل والشايب.. والأم.. والبنت دامغ بن محمد الدامغ - روضة سدير اللاب توب عليه أصغير تبي حليب أو مصاصه صورتك تغني عن التعبير دخلنا العلم مع أوسع أبوابه عبدالكريم عبدالرحمن السلوم - القرائن الله يحرسك يا حبيبي من العين توك صغير وتطلب العلم بدري تحمل ملفاتك على حاسوبك الزين ونسيت ديدك ما شربته يا عمري خالد بن ناصر المخيمر عصر التطور طال حتى البزوره صاروا مع المرضاع هم يشربونه صبرك يا روح أمك علينا شهوره تكبر ونهديلك على الشكل لونه حمد عبدالله الوايلي يا حليل البراءة والصغيّر سالي يد على الطابعه وعن أيسره رضاعه ينظر الشاشه يطالع يقول أحلالي أباقف دون كرسي وابلعب ساعه جلعود بن لافي الشمري - حائل أنا اذكر الله كل ما شفت وضعه لعبه على الشاشه ونقر المفاتيح شقر على الاخبار وانساه رضعه الله يحرسه من عيون المشافيح سعد الحماد الانترنت اخذ عقول الناس اخذهم بصفحات مجنونة اشوف طفلن بلهوا محتاس حتى الرضاعة على الجنب مركونه معيض مليح الغضوري - الرياض توك صغير ودالهٍ في حياتك وأنا من أيام العناء شاب راسي ذي زهرة أيامك وهذي حلاتك قدام لوعات أحزان والماسي محمد منور العتيبي - الرياض التقنية صارت مع أطفال ذي الجيل من جي على الدنيا وهو بين شاشات ورضيع بالمحمول يبغى التفاصيل الله يحفظه له ميول وطموحات سعود بن عبدالعزيز الهزاع - نعام نرحب بمشاركاتكم الشعرية حتى مساء الاثنين على الفاكس رقم: 4871070أو الايميل الخاص بصفحة الخزامى: Khozama @ alriyadh.com زاوية: (صوت الصورة).. ويا هلا
