جعل السحاب اللي من الغرب لابان فيه الرعد يسمع وتسمر أبروقه نوه ثقيل وخمسة أيام ودان ابقدرة الوالي علينا يسوقه عقبه تفلّي صبح ولا امسيان وريح النفل طيب العذار يفوقه غنام مسعود القريني - نعام أرجوك يا راع المغاتير أرجوك أرجوك تسكب لي حليب المغاتير هات السطل وإملاه بالحيل محبوك أبغى أرتوي واحسب حساب المسايير وأحذرك ما هن محابيس في شبوك وطعامهن ما يكون تصنيع وشعير سعود بن سعد الحافي - الرياض خل الحوار يرضع ولا تحلب الديد لا تحرمه يا خوي لذة حليبه باقيه يكفيك ياخوي ويزيد الخير بأمه بالليالي العصيبه لا جا الربيع وزان للطير تغريد يحلا الحليب وريحته مع شخيبه خالد بن ناصر المخيمر - روضة سدير البل لها عند الرياجيل مقدار من أول الدنيا إلى يومك اليوم يا زينها في خايعن فيه نوار في موقعٍ توّه من الوسم ماسوم تملا السطول وتروي الجار والمار ومن درّها متنومساً كل شغموم عفتان فهد السهلي - الرياض يا حالب الخلفه تركد على الهون خل الحوير يرضع أمه شويّه أشركه فان الخير واجد ومضمون من واحدٍ رزقه للأمه سويّه سبحان من هو مدبّر الخلق والكون ومظهرٍ ما الفرث والدم ميّه مبارك محمد الدوسري - وادي الدواسر الناقه اللي حدرها سطل وحوار زوداً على الضيفان تروي ولدها لا تبيعها لو كان زادو بالأسعار لا بعتها وش عاد تشرب بعدها ناصر علي الشهراني - الرياض ألا يا حويِّر فرصتك لا تفوتها يبي يفطمونك واغتنم هالحصيله وأقول المقاصيب جهزت كل عدتها تولم ترى القصاب خذك لعميله يبون الصبوح ولا حصل وأنت سبتها يا حيث الجبر سير وعاد بصميله محمد بن عبدالعزيز الخنيفر - أشيقر لا تحرمون الصغير من حليب أمه حرام يا ناس هذا شربه وزاده ينظر وضغطه يجي ويروح في دمه يقول هذي حياتي والوضع عاده غصبٍ يجامل ولو يكره لاجل عمه يخاف يصدر عليه الحكم بقياده سلطان بن محمد العضياني - الرياض سطلٍ معلق تحت (ديس) المطيه شفناه لكن ماسكه يا عرب وين الظاهر إنه خارج الجاذبيه ماهي القصه عطوني براهين قالو لي تسأل أنت من حسن نيه هذا زمان العولمه يا مسيكين سلطان بن حمد الحبابي-الطايف الناقه اللي ملتقطها إبراهيم وسط الخزامى زين صورة ولدها يا زين هاك اللون لون المجاهيم لا صار عندك زايده في عددها لا صرت في دارن قفر فاحذر إتقيم إتقيم وإبلك زايده في نكدها مسعود عزيز الحزيمي - الجمش القعود يمد خشمه ولا حصل حليب السنافي سابقه للحليب وحلبّه عقب مافك الشماله عن الديد العجيب كل شي جا على كيفه وحسب اطلبّه المطر يذكر بعيد ويذكر لي قريب يا راع الذود ارتع الذود ولا فجلبّه سعيد بن فالح المهداني - الرياض الإبل فيها الخير يا ناس كلّه الشي هذا عند الأجواد معروف لن جا لبنها تنتهي كل علّه يسوى لبنها شي ما هو بموصوف هي الحلال وعشقها ما نملّه وريالها عند العرب غير مصروف فارس الثبيتي - الرياض إحوار يرضع اإمن الناقه أوجهه حليبٍ اراعيها مسكين جاين على فاقه شاف الشماله اموطيها يا الله يا باعث ارزاقه يا العشب يا رب ترهيها نواف نايف الحزيمي - الجمش الصوره هذي جابها في شطاره ابن الجبريومه على الذود يفترّ للبكره اللي ما تملي غضاره يا كود معها حويّر يالله تدّر في وسط روضٍ بادين في خضاره وقت الوسم ما فيه بردٍ ولا حر عبدالكريم بن إبراهيم بن خزيم - البكيرية
