لي صاحبن مدري من شهور وش فيه

يا جعلها يا ناس تبطي سنينه
إن كان طالب حق لا شك نرضيه
وإن كان شايل حمل لزمن نعينه
يطري علي بخير والناس تطريه
واشتاق له يا حي راسه وعينه
الله من قلبن يبيح خوافيه
قد شاف من سود الليالي غبينه
يا مكثر أصحابه ومكثر بلاويه
يا قل خلانه وقلة عوينه
ما باح سده لينه الهم طاويه
لو هو مع الجلاس يخفي ونينه
ما عاد عد الشعر يا ناس يبريه
لا له من الخفرات سلوه وزينه
يسلى مع اللي مدري شهور وش فيه
اتلى العهد به عام واليوم وينه..