(بقايا شوق) للعليوي

من مكتبة الأدب الشعبي

الشاعر عبدالله بن عبدالعزيز العليوي رحمه الله (1373ه 1424 ه) شاعر عذب وصاحب لغة صادقة فهو ينظم القصيدة العامودية وقصيدة التفعيلة وله كتابات في مجال القصة القصيرة. صاحب عواطف جياشة، ونفسٍ حساسة، غلب على قصائده طابع الحزن والألم ويعتبر احد الشعراء الذين ارتقوا بالقصيدة المغناة فقد تغنى له الكثير من الفنانين كسلامة العبد الله، حمد الطيار، عبدالله الصريخ، فهدالعبد الله ، رباب، سليمان الهندي.
صدر له أول ديوان مسموع بصوت المذيع محمد الرشيد وصدر له ديوان مطبوع بعنوان((بقايا شوق)) ضم اكثر من 72 قصيدة وقد كتب الاهداء الى والدته.
وهذه بعض قصائده رحمه الله:
(شفتك مع اللي صار عقبي حبيبك)
شفتك مع اللي صار عقبي حبيبك
واحتارت العبرة بعيني وصديت
مدري هي الصدفة لدربي تجيبك
.. مدري أنا اللي في دروبك تحريت
ملكتني واقفيت ربي حسيبك
ما تعرف الرحمة بقلب توليت
يا قلب جرحك سبته من طبيبك
يا قلب ليتك بالوفا ما تماديت
من حبنا كل السعادة نصيبك
يا فاقد الاحساس عني تخليت
وش فايدة لو قلت عني حبيبك
وانت بحياتك يوم ما ظن حبيت
(مواري حزن)
تذكرتك وقلبي مسرف الخطوة يبي فرقاك
. وفي نفسي بقايا من جروح العام مدفونة
تذكرتك وفي عيني مواري حزن من ذكراك
تلفت يمك الخافق وجاك خطاه مجنونة
وجيتك ثاير العبرة أحبك من يقول انساك
. غيابك نار من يقوى يشيل النار بعيونه
هلا بايامك السوداء هلا بالحزن في دنياك
رضى قلبي بتعذيبك أبد ما يطلب العونة
متى تفرح بك ايامي متى وشلون كيف القاك
متى هالليل في شمسك يغيب ويختلف لونه
تعبت من التعب وينك تعال ومد لي يمناك
. حياتي لا خلت من شوفتك ماهيب مضمونة
(خلاص لا ترجع ترانا سلينا..)
خلاص لا ترجع ترانا سلينا..
ماكنت اصدق يوم اني انساك
في بعدكم ياما عليكم بكينا ..
واليوم ما تطري على البال ذ****
وانا ادري انك رغم صدك تبينا..
لا شك ناس ضدنا تقصر خطاك
خل الذي غير حنانك علينا..
يعطيك من قلبه ربع ما عطيناك
من سكرة الحب الصناعي صحينا..
حتى المجالس عفتها خوف طرياك
ودعت ماضي حبنا وانتهينا..
وقلب نسيته يوم لابد ينساك
ذ**** ياالغدار هانت علينا..
حتى دموع العين فرحت بفرقاك
حب جديد غير حبك لقينا..
حديتني جعل الليالى تحداك!!
( عن ديرتي )
عن ديرتي غاب القمر
ما عاد أشوف بالسماء !
مدري القمر ؟؟
رافق حبيبي بسفرته !!
مدري القمر ...؟؟
في غيبته يبكي عليه
الكل منا ياقمر .
يتمنى والله شوفته .
والكل منا ياقمر !
في غيبته يبكي عليه
في ديرتي ... كل العواطف له ثمن !
حتى القلوب اليوم صارت من حجر
والحب بين أثنين ...
ما والله يكون ...
عن ديرتي ... غاب القمر
(قبل ترحل)
قبل ترحل
قبل ترحل
وتنسى الدار ... والديرة
أبي نظره ...
تساعدني ...
على فرقاك
أبي قبل السفر يازين
تشيل القلب ....
ولا الحب ... من قلبي
وتعطيني مثل قلبك
بفرحة يوم
يبيع اللي مضى كله
وابترجاك وأتوسل
قبل ترحل وتنسى الدار
والديره ... أبي نظرة
تساعدني على فرقاك
(ِذكرتني حبك)
ذكرتني حبك وانا اقول ناسيه
جرحت جرحك يوم قرب يطيبي
في شوفتك شديت قلبي لماضيه
يوم انت عني ساعة ٍٍ ما تغيبي
يا اللي تلوم القلب بفراق غاليه
ليتك بدنيا الحب تاخذ نصيبي