أشواق قلبي

أنا القمر والنور ماهوب نوري
عكست نورٍ خافت وقام يمتد
واليوم مدري وش سبايب فتوري
مدري ابيح السد ولا أحفظ السد
يا مكثر أشواكي ومعمق بحوري
الجزر همي.. وانت يا ضيقتي مد
والحزن ما هو من دواعي سروري
والحظ عوده قد له سنين ما اشتد
وغرور حظي ما حفظ لي غروري
عود رمال الياس توسيدة الخد
اللي من أول كان يتنا حظوري
واليوم عقبي مدري وش صار وش جد
أن كان في حبه تبين قصوري
مابان وش كثر الغلا لهيف القد؟
هي أولوياتي وزبدة اموري
وهي امسي الفايت.. وهي بسمة الغد
تحركي يا أشواق قلبي وثوري
ما من مواصلها بدايل ولا بد
انت صبوره مير وين الصبوري
مليت من كثر التفاكير والعد
أما ظلام البعد يجلاه نوري
ولا ظلام البعد بالبعد يمتد