لاجيت بعض رْسومها وشِفت الأطلال

لادَق هاجوسي تكدّر صفا البال
راحت بي أفكاري جنوبُ وْشمالي
لو كان بالمجلس سواليف ورْجال
ياخذني الهاجس بْجوٍ ّ لخَالي
يْصَوّر لي الماضي على كل الأشكال
وأسِج مع شيّ ٍ تصَوّر ببالي
لاقلت أبدله مع بطى الوقت لاطال
أومت لي الذكرى على راس عالي
سواة قنديلٍ على راس ما طال
في ظلمة النسيان يشعل قْبالي
ذكرى جميله حبّها ما بعد زال
مطبوعةٍ بأرشيف ماض اللّيالي
لاجيت بعض رْسومها وشِفت الأطلال
صفّقت بالكف اليمين الشمالي
ذكرى رجالٍ بالسلف صفوة أجيال
راحَوا وخَلّوا كل ما كان غالي
شعر: عبدالرحمن بن حمدان الصالحي