لا عاملوك الناس بأسلوب وأخلاق

لا عاملوك الناس باسلوب واخلاق
احذر تردى في تعاملك معها
حاول بذوقك يرتفع مثل الاذواق
قبل تجي كلْمَه يحسك وجعها
تاخذ لها مدة واثرها بالاعماق
والارض ما تاخذك في متسعها
بعض الكلام احيان ماهوب ينطاق
كم نفس باسبابه تبيّن جزعها
من عاش في غفلة زمانه ولا فاق
نفسه على درب المهالك دفعها
راحت حياته في عداوات وافراق
وهموم وقته فوق راسه جمعها
ومن يحترم غيره وللطيب ينساق
اهل الهروج الضايعه ما سمعها
وثّق علاقاته على خير ميثاق
والسيره اللي ما تفيده قطعها