عواكيس

*الأخ معوكس المحترم بحكم خبرتك الطويلة ماهو سبب حرمان الاتحاد من المشاركة في بطولة أندية آسيا المقبلة؟
هاني العبد الله - جدة
* ما غيره الشيك المفتوح
*أبو العواكيس بعد التحية وش رايك في مستوى التحكيم هالموسم ما تلاحظ ان جميع الأندية شبه راضية عن الحكام؟
فهد السلولي - بيشة
* تو الناس اصبر شوي وتشوف الوشوشة والانذار الأخير!
*صديق الملايين معوكس أكيد عندك أمنية لم تتحقق في المجال الرياضي ابيك تجاوب بصراحتك المعهودة؟
ناصر الدوسري - الرياض
* اني اوفر باصات تنقل المشجعين وارأس اتحاد الكره!
*الأخ معوكس مصادري تؤكد انك رجل أعمال كبير وتفكر بجدية في ترشيح نفسك لرئاسة الاتحاد السعودي لكرة القدم وش تعليقك؟
سعد المسعود - الزلفي
* هذي تبي لها «تيفو» وباصات وانا الميزانية لك عليها يا لله تغطي مصاريف ام العيال!
*أبو العواكيس وش توقعاتك لقمتي كأس ولي العهد بين الهلال والنصر والأهلي والاتحاد ومن تتوقع يصل النهائي ويتوج بالكأس؟
عماد الناصر - الرياض
* الاقرب اللي يهايط ما يبي الحكم المحلي.
*الأخ الغالي معوكس يقولون انك صاحب مبادرة تقريب وجهات النظر بين مدرب النصر والمدافع حسين عبدالغني ماصحة ذلك؟
فهيد السبيعي - الطائف
* ولا حتى عندي نية تبي يجيني انبراشة مثل شهيل ولا عوض خميس.
*صاحب المليار رسالة معوكس وش يقصد رئيس الهلال يوم يشيد بعدد من وكلاء اللاعبين ويترك احد الوكلاء اللي يتولى إدارة شؤون عدد كبير من لاعبي الهلال؟
سعود القحطاني - الرياض
-ما عندي خبر والخبر عند الفرج!
*الأخ معوكس المحترم أنا لاعب حريف وحاولت أسجل في عدد من الأندية وكلن يصرفني وقالوا مالك الا معوكس خله يتوسط لك تحترف في واحد من الأندية وإذ تمت الأمور مقدم العقد لك كامل سو فيني خير تراني محتاج؟
عبدالعزيز الرشيدان - بريدة
* يصرفونك اكيد انك من يمها ولا كان جاك مندوب البرشا عند سوق التمور!
*الناقد أبو العواكيس وش توقعاتك للمدرب الوطني سامي الجابر مع نادي الشباب وهل بإمكانه تحقيق بطولة هالموسم؟
محمد الثبيتي - الطائف
-با مكانه ان خلوه في حاله اعداء النجاح.
*الأخ معوكس المحترم ابي اقترح عليك تغير أسمك وتدخل مجال التدريب يافيه دراهم وأنديتنا مايهتمون بالسيرة الذاتية وش رايك؟
ماجد الرويس - الدوادمي
-اغير اسمي الى معوكس البرتو والبس كاب!
*أبو العواكيس وش توقعاتك لقطبي القصيم الرائد والتعاون هالموسم ومن وجهة نظرك من الفريق الأفضل فنياً؟
طلال الحربي - الرس
* التعاون جاه ماتمنى وفاله العالمية اما الرائد فما عنه وعن ملحق الهبوط!
*استاذ معوكس سلام يا صاحبي ماهي توقعاتك للمدرب الارجنيتني دياز مع الهلال؟
سامي الراشد-جدة
* الله يعينه على الاختبار خاصة ان سيبيريا اتعب من بعده!
*الناقد الساخر معوكس في مباراة الهلال والشباب ما شفنا قناع حارس مرمى الشباب الكابتن محمد العويس شكله ضايع وين نلقاه؟
الشبابي -عبودي -الرياض
* تلقاه عند ام خماس!
* قاهرهم وحابس دمهم ابو العواكيس ودي بتعليقك على اللي مازالوا يدافعون عن صاحب التغريدة المسيئة وهل هم فعلا يحبونه ولا الدعوى خالف تعرف؟
عبدالله الشهري-جدة
* اما يحبونه كثر منها والله يستر لا يرجع حب قيس وليلى!
*الحبيب والناقد الكبير معوكس هل انت مع قرار بعض اعضاء الاتحاد السعودي لكرة القدم في شكوى الجمعية العمومية للفيفا لانها رفضت التمديد لمجلس ادارة الاتحاد
عبدالعزيز الرشيد
* الرياض
* زين كان انها للفيفا أنا سمعت انهم بيصعدونها لمجلس الامن ودقوا على جوال باكي مون مادروا انه مشى!
مع تحيات معوكس وسلامتكم