أحلام الهوى

لو نفترض كلن مشى في طريقة
سرتي بدربْ وسار بي درب ثاني
واصطدمت أحلام الهوى بالحقيقة
واليأس هل بغروب شمس الاماني
مدري يمر طيفي بفكرك دقيقة
ولاّ يجي ذكري ببالك ثواني
أناشدك باسم الجروح العميقة
ترفّقي بالقلب بين المحاني
لاتبعدي وتشعلي به حريقه
وتزلزلي باسباب صدك كياني
كان إحتياجك لي لتفريج ضيقة
أحتاج لك باحساس قلب ٍ يعاني
احتاج لك بعدك أبدْ ما اطيقه
من بعد ما ربي بحبك بلاني
ولو نفترض حل بالوصل مايعيقه
يعقل يكون القلب الأبيض نساني
لا ما اصدّق وادري انك رقيقة
وان الزمن قاسي علينا وجاني
ياكم وكم فرق صديق وصديقة
ماهوب انا وانتي فقط لي نعاني