شوقي لك

وش حيلتي.. لاصرت فالقلب منحوت
خلف الضلوع العوج بيني وبيني
ماتحمل إبعادك.. فلا تقطع الصوت
ماتدري إني صرت أوحيك فيني
في غيبتك.. مليت أنا الشرب والقوت
والنوم.. عيا يحتضن جفن عيني
أخرج بليلي.. ضاق صدري ومبهوت
يمكن تبيح وحدتي ذا الكنيني
وأقعد أنا فالناس ساكت ومكبوت
ومن كثر صمتي.. صار محدٍ يبيني
ما ودي تبعد عن مدايه ولاتفوت
أخاف لحظة.. أفقدك من يديني
وأخاف تتأخر.. وانا موت منعوت
من كثر شوقي لك وكثر الحنيني
يوم يمروابي.. وأنا وسط تابوت
قدام بيتك.. وأنت توك تجيني
ماعاد.. ينفع عظ عنابك التوت
يوم تسمع قالوا: أحمد دفيني