في عروقي تمازج بردها مع جمرها

كيف أدون بيوت الشعر واعذب لحونه
في غزال عيونه ساحره من حورها
تخطف القلب وتله وهزن ركونه
فاتنه يعلم الله من بحسنه غمرها
ميلتني الجميلة بالرموش السنونه
واغرقتني بموج اعيونها في بحرها
صرت فيها قتيل من حلايا فنونه
خدها بدر ساطع والشمس من نحرها
من خلقها كساها بالحلل فوق كونه
ليتني كحل عينه من يداعب نظرها
زينها زين فاتن يا قف الزين دونه
كيف اقدر أصفها والنفس في خطرها
هام عقلي عليها والقلب في سجونه
معتقل كيف أسوي روح روحي أسرها
لوعني بنظرات العيون الفتونه
يوم صوب سهومه ذقت لاعج صقرها
جيدها جيد ريمه مستديره حزونه
شافت الذيب واقفت هاربه من ذعرها
والجعد ليل مظلم غطى ساير متونه
لو تجول الرهيبة دون زي سترها
والله إني متيم هبلني غصونه
صار قلبي عليها ينقلي من سحرها
شبّت النار بأقصى خافقي ياطعونه
في عروقي تمازج بردها مع جمرها
عذبتني ولا تعلم عسى الله يصونه
من جميع المكاره ما يعتني قهرها
قلتها يا جماعة من مشاعر حنونه
يشهد اللي رماني في شواطئ نهرها
واعتذر عن قصوري وارتجى من يرونه
يخبروني بحاله طول الله عمرها
علي الزولاني - فيفا