ربيع قلبي

عبد العزيز بن سعود ((السامر))
كلٍ يقول الزين كله بخلي
أكيد ما شافوا من الزين حاجه
ما شافوا اللي رمش عينه مظلي
قلبي تكسر منه كسر الزجاجه
خلٍ ذبحني بالغلا والتغلي
ربيع قلبي شوفته وابتهاجه
هو روح روحي هو بعد كل من لي
لا شافني زعلان يضحك حجاجه
ويفز لي فزة محبٍ يهلي
هو طب جرحٍ ما عرفتوا علاجه
وليشاف غيري صد كله رضاً لي
حتى نظر عينه عن الناس عاجه
ما غير أناظر بالخلايق تسلي
والله علم عن خافقي وش مزاجه
أوادعه ودموع عينه تهلي
ما باعني قلبه بموسم خراجه